## kartusho Kadro skultita, grabita, forme di karto di qua la bordumo, la angulo, aspektas quale volvajo, destinita por recevor enskriburo, devizo, moto, la monogramo di ulu, e quan onu plasizas sur edifico, infre ed en la angulo (sinistre o dextre), di tabelo, di pikturo, di graburo, di mapo. — Lineo-kadro elipsoida qua, en hieroglifo-texto, cirkondas la nomi di la deaji, di la reji, di la dinastii --- *Dicionario de la 10.000 radiki di la linguo universala Ido*, Marcelo Persiko (Marcel Pesch), 1934/1964. La defini esas en Ido. La lingui indikata esas ti en qui la radiko esas atestata — li ne esas tradukuri. Vortlisto : ../vortlisto.md · Kompleta libro : ../dicionario.md · Pagino : ../?q=kartusho