## konfirmar *(trans.)* 1. Igar (ulu) mem plu ferma, plu certa (*certena) (pri). Igar plu certa, plu nedubitebla, per pruvo 2. Adjuntar a la vigoro quan (lu) ja posedas, afirmon, pruvon, e c. 3. (religio) Donar ad (ulu) ta ek la sep sakramenti di la eklezio katolika, qua havas kom skopo igar la Santa Spirito decensar adsur la kristano por igar plu ferma la gracio de bapto 4. (komerco) Repetar (la texto di sua letro, telegramo, e c.) por ke la destinario esez mem plu *certena (certa) pri lo afirmita 5. (pri informo qua ne esis absolute certa) Afirmar ke ta informo esas nun certa, nedubitebla --- *Dicionario de la 10.000 radiki di la linguo universala Ido*, Marcelo Persiko (Marcel Pesch), 1934/1964. La defini esas en Ido. La lingui indikata esas ti en qui la radiko esas atestata — li ne esas tradukuri. Vortlisto : ../vortlisto.md · Kompleta libro : ../dicionario.md · Pagino : ../?q=konfirmar