## kuliso 1. (tekn.) Suportilo kun ranuro interna, alonge qua peco moviva povas irar e retrovenar sen obstaklo 2. (1) Ranuro facita sur la *stejo di teatro, alonge qua onu movas la frami di la dekoruri. (2) Parto di la teatro qua esas dop la *stejo 3. En borso financala : la loko ube operacas la kurtajisti qui ne havas permiso oficala 4. Rifalduro en la supra parto di kurteno, en qua onu igas pasar stango – en la bordo di vesto, por igar pasar kordono qua posibligas lua min-longigo per plisuri --- *Dicionario de la 10.000 radiki di la linguo universala Ido*, Marcelo Persiko (Marcel Pesch), 1934/1964. La defini esas en Ido. La lingui indikata esas ti en qui la radiko esas atestata — li ne esas tradukuri. Vortlisto : ../vortlisto.md · Kompleta libro : ../dicionario.md · Pagino : ../?q=kuliso