## modo 1. Maniero vidar, agar, partikulare di persono, di lando, di regiono 2. Kustumo efemera qua normizas (segun la gusto di la periodo) la maniero vivar, vestizar su, e c. 3. Chapeli e kapo-vesti por la homini 4. (filoz.) Eso-maniero variiva di la substanco finita 5. (logiko) Kondiciono specala a qua subordinesas silogismo. Dispozeso-maniero di la tri propozicioni di silogismo segun lia quanteso o qualeso 6. (yuro-cienco) Klauzo qua subordinas la efiko da ago ad evento necerta qua dependas de la volo di ta qua profitos de olu 7. (muziko) Singla de la toni, che la muziko antiqua, quin distingas la diapazono plu o min alta e la plaso di la mi-toni en la gamo 8. Singla de la toni di la plan-kanto quin distingas (ultre la diapazono plu o min alta e la plaso di la mi-toni en la gamo) la divideso, en singla gamo, di la oktavo aden quarto plasizita altre 9. (gram.) Formo di la verbo, qua indikas la manieri diversa ye qui onu afirmas la ago e la stando quin expresas la verbo (exter la cirkonstanci di tempo e di personi quin indikas altra formi) --- *Dicionario de la 10.000 radiki di la linguo universala Ido*, Marcelo Persiko (Marcel Pesch), 1934/1964. La defini esas en Ido. La lingui indikata esas ti en qui la radiko esas atestata — li ne esas tradukuri. Vortlisto : ../vortlisto.md · Kompleta libro : ../dicionario.md · Pagino : ../?q=modo