# -uy- Ek *Kompleta Gramatiko Detaloza di la Linguo Internaciona Ido*, L. de Beaufront, 1925 — chapitro [SUFIXI](https://ido.help/gramatiko/chapitri/sufixi.md). Transskribita de https://ido.help/gramatiko/ Ico esas la texto dil libro ipsa, sen chanjo. Nula reguli esas skribita hike. --- **-uy-.** — Anke konservita de Esperanto, ta sufixo darfas konsideresar kom abreviuro di *etuyo.* Ol soldesas a radiki neverbala por formacar substantivi signifikanta : *recipiento,* *etuyo, buxo,* e. c. : **inkuyo** = *mikra vazo, botelo por inko;* **sukruyo** = *vazo por sukro;* **supuyo** = *vazo en qua on pozas* *la supo;* **kafeuyo** = *buxo por la kafeo-grani o la kafeo muelita;* **teuyo** = *buxo por la tefolii* (2); **tabakuyo** = *mikra buxo* *por tabakpulvero,* Fr. : *tabatière.* > (2) Diferas de *kafekrucho, tekrucho* qui kontenas l'infuzuro di kafeo, di teo. Dicernez **uy** de **ier** (Vid. ica) : **sigaruyo** = *etuyo por* *cigari;* **sigariero** = *kurta tubo por fumar sigaro.* Kom radiko ne uzez **uyo,** quale l'Esperantisti, ma selektez inter *etuyo, gaino, buxo, vazo, kesto, recipiento,* e. c.