# ELEMENTI DI VORTO Ek *Kompleta Gramatiko Detaloza di la Linguo Internaciona Ido*, L. de Beaufront, 1925. Transskribita de https://ido.help/gramatiko/ --- Vorto povas konsistar ek diversa elementi, quale **bofratino,** exemple, en qua on dicernas : 1e *radiko* : **frat,** 2e *dezinenco* (gramatikal finalo) : **o,** 3e *afixi*, inter qui *prefixo* : **bo**, sufixo : **in.** Ni nomizas *radiko* la elemento nereduktebla, esenca, qua indikas la ideo generala quan expresas la vorto, hike : **frat.** Ni nomizas *temato* l'ensemblo : *radiko* + *afixi*, hike : *bofratin*. Ni nomizas * *morfemo* to omna quo soldesas a radiko por determinar lu : afixi e dezinenci, hike : **bo, in, o** (1). > (1) Poka vorti (kompare a la ceteri) konsistas nur ek radiko. Ex. : la prepozicioni, multa adverbi, konjuncioni, e. c.