{"t01-apar-0":"LIBRETTO EXPLICATIVE DEL Tabellas Auxiliar Delmas ❦ PRIME SERIE","t01-apar-1":"TABELLA N o 1 Le schola, le lyceo, le classe.","t01-tit-1":"Description general.","t01-01-1":"1. — Iste tabella representa un **classe** in un **lyceo**. In iste classe il ha octo **tabulas** (18) e octo **bancos** (32) . Sur cata banco sede tres alumnos. Le **professor** (7) sede sur un **sedia** (8) in su **cathedra** (6) .","t01-02-1":"2. — Al sinistra del cathedra se trova un **armario** (15) **vitrate**. Al dextra es le **tabula nigre** (1) con le **spongia** (2) e le **creta** (3) .","t01-02-2":"Super le cathedra pende **tabellas mural** ( 9 , 11 , 12 ) e un **carta** (10) .","t01-03-1":"3. — Non tote le alumnos es a lor **loco** (17) . Johannes (4) sta al tabula, ille tene le spongia e dele le **figuras geometric**.","t01-03-2":"Petro es presso le cathedra, ille collige le **devores scripte** (5) , e los porta al professor.","t01-04-1":"4. — Iste professor es le professor del **linguas vive**. Ille insenia al alumnos parlar, leger e scriber linguas estranier **(le germano, le anglese, le espaniol, le italiano, le russo** o **le francese)**.","t01-05-1":"5. — Le classe es multo vaste e multo clar. In le fundo il ha un large **fenestra** con duo **fenestrettas de ventilation** (78) e le **porta vitrate** pro aerar e illuminar lo.","t01-05-2":"Iste classe non es frigide. In le medio il ha, pro calefacer lo, un multo bon **stufa** (46) con su **tubo** (45) .","t01-05-3":"Al pariete es fixate **crocos pro vestimentos** (58) , de illos pende le cappellos e le mantellos del scholares.","t01-tit-2":"Le corte de recreation","t01-06-1":"6. — Le **horologio** (63) indica novem horas e cinque minutas.","t01-06-2":"Le **recreation** (76) justo finiva e le lection recomencia. Le loco de recreation se trova in le **corte** (75) . Nos vide alcun alumnos qui juga. Un **sub-maestro** (74) los survelia.","t01-07-1":"7. — In le corte nos vide ancora diverse personas, nominatemente le **inspector** (73) , le director del schola **(director del lyceo)** (71) e le **censor** (72) .","t01-07-2":"Le inspector inspecta le scholas, le director del lyceo dirige le lyceo, le censor survelia le studios.","t01-07-3":"Le quarte persona es le **portero** (77) . Ille porta sub le bracio un registro pro inscriber le absentes.","t01-08-1":"8. — In le fundo del corte il ha le **apparatos gymnastic** (70) e le officina pro le **labores manual** (69) .","t01-08-2":"Al dextra del tabella nos comencia a vider le **classes** de **musica** e de **designo**.","t01-tit-3":"Description detaliate.","t01-tit-4":"Le bon alumnos.","t01-09-1":"9. — Le alumnos del prime banco al dextra del cathedra es **Henrico** (*) , **Stephano** e **Carolo**.","t01-09-2":"Henrico es multo attentive e laboriose, ille ascolta le professor. Sur su tabula ille ha un **quaderno** (28) , un **libro** (29) , un **lexico** (30) e un **portaplumas** (31) . Su libro ha multe **paginas**, cata capitulo contine plure **paragraphos** e cata **linea** multe **parolas**.","t01-09-4":"Su vicino Stephano (24) es fervorose. Ille nota sur su quaderno le lection pro le vice sequente. Ille ha un belle **scriptura**. Su libro es claudite. Nos vide solmente le **copertura** (27) . Presso ille se trova su **compasso** (26) .","t01-09-5":"Carolo (23) tene con le mano su libro, ille lo aperi pro releger su lection. Ille ha, como cata alumno, un **incastro** (25) ante se. Ille es obediente.","t01-10-1":"10. — Al tabula vicin es **Ludovico, Antonio** e **Paulo**. Ludovico recita su **lection** (22) e responde al **questiones** del professor. Antonio (21) es multo inattentive, mesmo alcun vices le professor le puni. Paulo (20) es un bon camerada, affabile e complacente. Ille es multo attentive.","t01-tit-5":"Le mal alumnos.","t01-11-1":"11. — Detra Henrico se trova **Georgio** (38) . Ille non es un mal puero, ma ille es **garrule**, inattentive e petulante. Su **frivolitate** e **disobedientia** causa **disordine** durante le lection e sovente ille merita un sever **advertimento**. Su **quaderno de brossa** (35) es immunde, ille lo **macula de incausto** con su **penna** (34) , pro isto ille usa sempre su **gumma pro deler** (36) ; su **portaquadernos** (33) es lacerate, proque ille es multo negligente. Proque porta ille su **portacrayon** (37) in le classe del linguas vive?","t01-11-2":"Su vicino Edmundo (39) non le ama. Ille es in ver un pauco indolente, ma ille es taciturne e tranquille. Ille non garrula; ma, in loco de ascoltar, ille prefere leger le **narrationes** de su **libro de lectura**.","t01-11-3":"Le tertie alumno de iste banco es **Ludovico** (40) . Ille es diligente. Ille scribe sur un blanc **folio de papiro**. Ante se, ille poneva su **papiro absorbente** (41) .","t01-12-1":"12. — Le alumnos del secunde banco, al sinistra del professor, es multo juvene. Le prime, le parve **Emilio**, non sape ancora multo ben scriber, ille porta su **ardesia** (42) , su **stilo de ardesia** e su **spongia** (43) .","t01-12-2":"Presso ille es **Augusto** e **Bernardo** (44) . Iste ultime labora ben, ma su **vestimento** es multo negligite.","t01-13-1":"13. — Detra illes se trova tres **indolentes**. **Alberto** non apprende su lectiones. **Jacobo** (47) dormi in loco de ascoltar. Su **indolentia** le vale **reproches** e mesmo **punitiones**. Finalmente **Christiano** (48) es troppo frivole. Ille **se comporta** mal e non se effortia in nulle modo pro emendar se.","t01-14-1":"14. — Su vicinos, al contrario, es de bon conducta. **Ernesto** (51) ama le ordine e le regularitate, ille usa sempre su **regula** (50) e su **crayon** (49) . Ille es **externo**.","t01-14-2":"**Francisco** (52) es **interno**, ille es vestite de un uniforme, mangia e dormi in le lyceo. Ille es un bon **camerada**.","t01-14-3":"Mauricio talia su **crayon** con su **cultelletto** (56) , ille es multo curose.","t01-14-4":"Ille porta tote su libros, su **grammatica** (55) , su **carnet** (54) , e mesmo un **cossino pro scriber** (53) . Su **sacco de schola** (57) es sur le solo detra ille.","t01-14-5":"Le duo tabulas in le fundo del classe es occupate per **bon alumnos** (19) .","t01-tit-6":"Designo e musica.","t01-15-1":"15. — In le **sala de designo** il ha gratiose **modellos** appendite al muro e un **lampa** (62) con **umbrella**, suspendite al plafon. Le **professor** (60) es multo patiente, ille corrige le **designos** (61) del alumnos e les insenia designar un **busto** (59) secundo le natura.","t01-16-1":"16. — Le **sala de musica** pare multo interessante. In illo on apprende leger le **musica**, solfear le **notas del gamma** (67) scribite sur le **pentagramma** (do, re, mi, fa, sol, la, si = C. D. E. F. G. A. B.), cognoscer le **claves** e cantar gratiose **melodias**. On pone le partituras sur le **pupitro** (65) . Un del alumnos **sona le piano** (64) e le **professor de musica** (66) **batte le mesura** (68) .","t01-17-1":"17. — Nos comencia a vider un angulo del **officina** pro **labores manual** (69) , ubi le pueros pote apprender planar le ligno e limar le ferro. Isto non existe in tote le lyceos.","t01-tit-7":"Le sala de scientias.","t01-18-1":"18. — Le professor de mathematica insenia al alumnos le **geometria, le arithmetica, le calculo** e le **systema metric**. Nos vide sur le tabella le principal figuras del geometria: **circulo** (a) , **quadrato** (b) , **triangulo** (c) , **linea** (d) .","t01-18-2":"Nos vide anque un **calculo**; illo non es ni un **addition**, ni un **subtraction**, ni un **multiplication**: illo es un **division** (e) .","t01-19-1":"19. — Sur le tabella del systema metric nos vide: un **metro** (a) , un **balancia** (b) e su **pesos**, un **litro** (e) , un **decalitro** (f) , un **decilitro** e un **metro cubic** (d) .","t01-19-2":"Le alumnos studia anque le **scientias natural** (11) — le zoologia (a) , le botanica (b) , le geologia (c) — e le **historia** (12) .","t01-19-3":"In le armario il ha le apparatos de **physica** (15) e de **chimia** (16) .","t01-19-4":"Super le armario il ha: un **sphera** (14) , un **cono** e un **globo terrestre** (13) .","t01-19-5":"Super le tabellas pende un **carta** que monstra le cinque partes del mundo: **Europa** (e) , **Asia** (g) , **Africa** (f) , **America** ( a b ) e **Oceania** (h) , e le duo grande oceanos, le **Pacific** (c) e le **Atlantic** (d) .","t02-apar-1":"TABELLA N o 2 Le corpore human. — Le recreation. — Le jocos.","t02-tit-0":"Le corpore human. *(Simple lection de scientia natural.)*","t02-01-1":"1. — Le principal partes del corpore human es: le **capite**, le **trunco** e le **membros**.","t02-tit-1":"Le capite.","t02-02-1":"2. — Le capite comprende duo partes: le **cranio**, que contine le **cerebro** e que coperi le **capillatura**, e le **facie**.","t02-03-1":"3. — Sur nostre designo nos vide ni le cranio ni le cerebro; ma nos vide multo clarmente le importante partes del facie.","t02-04-1":"4. — Ecce primo le **fronte**, que indica un potente intelligentia, un pensata sempre agente. Le **tempores** es multo libere. Le **oculo** es vivace e large aperte. Un dense **supercilio** e longe **cilios** lo protege.","t02-05-1":"5. — Ecce ancora le **naso** e le **narines**. Le naso nos servi pro flairar e pro respirar. A cata latere del naso il ha le **genas**, plus lontano le **aures**. Le parte inferior del facie consiste in le **bucca** e le **mento**.","t02-06-1":"6. — Nos non los vide multo ben, proque le **mustachio** e le **barba lateral** nos los cela. Ma nos sape, que le bucca ha le duo **labios**, le **maxilla superior** e le **maxilla inferior** con lor **dentes**, e le **lingua**. Per le bucca nos parla e mangia. Per le lingua nos gusta le alimentos.","t02-07-1":"7. — Le oculo, le aure, le naso e le bucca es, como le digitos, le organos del cinque sensos: le **vista**, le **audito**, le **olfacto**, le **gusto**, le **tacto**.","t02-08-1":"8. — Le capite es dunque un del plus interessante partes del corpore human.","t02-tit-2":"Le trunco.","t02-09-1":"9. — Le **collo** junge le capite al trunco. Illo comprende le **gorga** e le **nucha**.","t02-10-1":"10. — Le trunco comprende anque multe organos essential. In le **pectore** il ha le **pulmones**, per le quales nos respira, e le **corde** que es le centro del vita. Quando le corde cessa batter, le esser vivente mori.","t02-11-1":"11. — Le **costas** mantene le pectore.","t02-12-1":"12. — Le altere partes del trunco es le **flanco**, le **dorso**, le **spatulas** e le **abdomine** (ventre). Nos nos corica sur le flanco o sur le dorso pro dormir, nos porta le cargas sur nostre spatula.","t02-13-1":"13. — In le abdomine il ha le **stomacho** e le **intestinos**. Illos nos servi pro digerer le alimentos.","t02-tit-3":"Le membros.","t02-14-1":"14. — Nos ha quatro **membros**: duo **bracios** e duo **gambas**. Per le bracios nos prende, tene, leva, collige le objectos; per le gambas nos sta, marcha e curre.","t02-15-1":"15. — Le **spatula** junge le bracio al corpore. Un multo robuste **musculo**, le biceps, move le bracio que le **cubito** junge al **antebracio**. Le **carpo** constitue le articulation del **mano**, que fini per le **digitos** e le **ungues**. Sur le mano nos distingue un **vena** (e un arteria) in le qual flue le **sanguine**.","t02-16-1":"16. — Le partes del gamba es: le **femore**, le **geniculo** e le **poplite**, le **sura**, del qual le **carne** es coperite per le **pelle**, le **malleolo** e le **pede**. Le **ossos** del gamba es multo grosse e multo forte. Al extremitate del pede il ha le **digitos del pede**. Le altere partes es le **planta** e le **talon**.","t02-17-1":"17. — Tal es le quasi complete description del corpore human.","t02-17-2":"*Nota.* — *Con le adjuta del expression: « io ha dolor a... (le capite etc.) » le professor potera reusar tote iste vocabulario del puncto de vista del bon o mal* **stato corporal.**","t02-tit-4":"Gymnastica. *(Narration de un del alumnos.)*","t02-18-1":"18. — Pro esser flexibile, agile e san, nos debe exercer nostre gambas e nostre bracios. Pro isto nos juga e practica le **gymnastica**.","t02-19-1":"19. — Durante le septimana, iste duo exercitios ha loco in le corte del lyceo (vide le tabella n-ro 1). Ma le jovedi e le dominica nos va sur un grande **prato**, ubi nos ha spatio pro currer e amusar nos.","t02-20-1":"20. — Nostre maestros e nostre parentes alcun vices nos accompania illac; ma un **professor de gymnastica** (12) ja dirige le exercitios.","t02-21-1":"21. — Sur le prato, al sinistra del entrata, se trova le **apparatos gymnastic** (1) , nos ascende per le **scala** (2) , nos nos suspende capite in basso al **anellos** (3) e al **trapezio** (4) , nos nos hissa per le manos usque al summitate del **scala de corda** (5) o del **corda a nodos** (6) .","t02-22-1":"22. — Intertanto, nostre camerados salta super le **cavallo de ligno** (7) o le **barras parallel** (11) . Alteres **boxa** (8) o **scherma** (9) con masca e per un **floretto**. Finalmente, alteres **leva halteres** (10) .","t02-tit-5":"Le jocos.","t02-23-1":"23. — Circa le gymnastas, pueros e pueras juga a diverse **jocos**. Le pueras se amusa con lor **cerculo** (14) ; illas salta al **corda** (13) o invita lor fratres e cosinos a un partita de **croquet** (15) . Illas se delecta a repeller le **ballon** del adversario con lor **martelletto de ligno**, al momento quando ille pensa passar facilemente le arco!","t02-24-1":"24. — Le pueros prefere le jocos plus muscular. Con placer illes juga al **quilias** (16) que illes abatte habilemente per un **bolla** (17) . Illes anque non dedigna jugar al **trompo** (18) e al **bilboquet** (19) o mesmo al **rana** (20) . Ma lor jocos preferite es ben le **billas** (21) e le **pilota contra le muro** (22) , proque le muro del **serra** (26) es multo apte pro facer resaltar le legier pilota.","t02-25-1":"25. — Le parve Johannes, qui va sur su **trampolos** (24) , es multo habile e sape multo ben conservar le equilibrio. Presso ille, alcun camerados juga al **celar-se** (25) in ille serra e detra le **haga**. Alteres prefere le **colpo a divinar** (28) o le **volante** (29) que vola de un **racchetta** al altere.","t02-26-1":"26. — In le medio del prato il ha duo arbores. Al pede de un del duo, septe o octo pueros ha organisate un partita de **salto super le spatulas** (30) (*) . Non in tote le paises on cognosce iste joco; ma totes sape lo que es le **salto super le dorso**, al qual le pueros non juga iste vice.","t02-tit-6":"Le jocos in aere libere.","t02-27-1":"27. Le **joco del cieco** (31) es anque multo amusante; pueras e pueros alternatemente pone le **banda sur le oculos** e sasi le maladroites qui se lassa capturar.","t02-28-1":"28. — In le medio del prato, ecce un joco multo francese ma un pauco violente : illo es le **ursa** (32) multo plus bruente que le tanto tranquille joco del **cerf-volante** (33) o mesmo que le joco anglese del **tennis** (34) .","t02-29-1":"29. — Iste ultime sport es le gaudio del grande alumnos. Nostre professores mesme lo practica con placer. Illo require un grande habilitate con agilitate e illo me place multo. Io lassa al pueras le jocos del **balancia** (35) .","t02-30-1":"30. — Io non ama un altere joco anglese que forsan devenirea periculose.","t02-30-1b":"Io intende parlar del **football** (36) que allegra mi fratre plus vetule. Io prefere nostre vetule **joco del barras** (38) tanto ben hygienic e vermente minus brutal.","t02-tit-7":"Cyclismo e joco de pilota.","t02-31-1":"31. — Anque con placer io circumvade le prato per **bicycletta** (37) .","t02-32-1":"32. — Durante le anno proxime io apprendera le **equitation** (39) . Tanto belle es un cavallo qui gratiosemente passa o trotta, e qui al galopo salta super le obstaculos!","t02-33-1":"33. — In estate, nos apprende le **arte de natar** (40) . Nos con delecto plongia e nos bania in le clar e fresc aqua del riviera. Alcun vices finalmente nos lancea un **ballon** (41) de papiro que majestosemente ascende in le atmosphera, tosto que illo es plenate de aere calide.","t02-34-1":"34. — Il ha anque multe altere jocos, ma io non finirea enumerar los e on se rende conto secundo iste resumito, que le jovedis, on non se enoia multo sur nostre belle prato.","t02-34-2":"N.-B. — *Le professor completara facilemente iste capitulo; describente plus detaliatemente cata un del plus importante jocos.*","t03-apar-1":"TABELLA N o 3 Pueritia e juventute.","t03-apar-2":"(Le 3 e e 4 e tabellas es assi combinate que illos presenta in quatro **scenas familial** le notiones essential super le **tempore**, le **etate**, le **familia**, le **vestimento** e le **stato**.)","t03-tit-1":"*Prime scena.*","t03-tit-2":"Ceremonia de baptismo in un village.","t03-tit-3":"Le primavera.","t03-c1-01-1":"1. — Nos es in le **primavera**, in le menses de **martio**, de **april** o de **maio**, in le dies del **septimana**, **lunedi**, **martedi**, o **mercuridi**. Il es **dece horas** del matino.","t03-c1-02-1":"2. — Le **tempore** es belle, le **aere** pur. Le sol brilla. Alcun **parve nubes** (2) ascende in le blau **celo** (1) .","t03-c1-03-1":"3. — Le **arbores** ha a pena **folios**. Le tenue **poplos** (3) e le alte **platano** (17) ha usque ora solmente gemmas.","t03-c1-04-1":"4. — Le **hirundines** (4) reveni e vola con gai pipiamento circa le **flecha** (7) del **campanario** (5) que corona le **ecclesia** (6) del village.","t03-tit-4":"Le ecclesia.","t03-c1-05-1":"5. — Multo simple es iste ecclesia con su grande **portal** (13) e grosse **horologio** (8) . Le parve **monstrator** (9) es sur le cifra X, illo indica le **horas**. Le **grande** (10) es sur XII (meridie); illo indica le **minutas**.","t03-c1-06-1":"6. — In le campanario, le **campanas** (11) sona gaimente. Al summitate del tecto sta un parve **cruce** (12) de petra.","t03-c1-07-1":"7. — Le ecclesia ha non solmente un grande **portal** (13) , illo ha anque un porta lateral. Tra iste porta le senior **parocho** (15) vestite de su **sutana**, exi del **sacristia** (14) e va al **presbyterio** (19) .","t03-c1-08-1":"8. — Presso ille, ecce le **lactera** (24) con su **asino** (23) . Illa reveni del citate, in le qual illa portava bon lacte pro le infantes.","t03-tit-5":"Le verdiero.","t03-c1-09-1":"9. — Senior Aliboron (le asino) es toto contente de iste cursa matinal. Ille aspira con delicia le aere balsamate del perfumo del **flores** (20) que coperi le **arbores fructifere** (18) del vicin **verdiero**. Toto rosate e blanc es iste **persicieros** (18) e **abricotieros** (19) , e illos face sperar un bon recolta.","t03-c1-10-1":"10. — Intertanto, le parve **apes** (22) del **apiario** (21) va illac pro colliger rapinante lor dulce **melle** susurrante.","t03-c1-11-1":"11. — Ma que occurre? Ecce que le pueros del village accurre e face fugir le **ansores** (25) espaventate. Isto es le exito del ecclesia del cortege post le **baptismo** del filio del notario.","t03-c1-12-1":"12. — Le parve Jacobo, in su **cuna** (26) , se evelia per le gai sonar del campanas, e su soror Magdalena qui, illa anque, vole vider le cortege del baptismo, roga su matre venir pro pectinar su capillos e vestir la al limine del casa.","t03-c1-13-1":"13. — Le matre consenti. Illa pone su **foulard** (28) , su **corsage** (29) e su **avantal** (30) , e illa veni sider sur un parve sedia ante le porta. Magdalena ha solmente su **subgonna** (31) e su **corsetto** (32) .","t03-c1-14-1":"14. — Quanto felice illa es! Illa oblida su flores favorite, su **dianthos** (34) , sur le quales se pone le **papiliones** (35) , su **tulipas** (36) , su **convallarias** (37) , in **potes** (38) , sur le **muro** (33) , e su **rosas** (39) que forma un haga tanto belle. Illa contempla le ric vestimentos del damas del escorta.","t03-c1-15-1":"15. — Le pueros del village non presta multe attention al vestimentos. Illes se precipita e se pulsa le unes le alteres pro haber **bonbones** (55) o **monetas** (52) . Un de illes plora (40) .","t03-c1-16-1":"16. — Le altere calcava sur le pede del **can** (42) qui criante fugi e face fugir le **gallina** (43) e su **pullos** (44) .","t03-tit-6":"Le cortege del baptismo.","t03-c1-17-1":"17. — Ante le escorta marcha le **nutrice** (45) . Illa ha un belle **coiffa** (46) con longe bandas. Illa porta le **neonato** (47) toto vestite de **punctos** (48) .","t03-c1-18-1":"18. — Detra le nutrice veni le **patrino** (49) e le **matrina** (53) . Illes distribue le bonbones e monetas. Le patrino ha **guantos** (51) e un **cappello cylindric** (50) . Le matrina tene in le mano un belle **bouquet** (54) .","t03-c1-19-1":"19. — Detra illes, nos vide le **oncle** (56) e le **tante** (58) del infante. Le tante ha un elegante **cappello** (59) , le oncle un nigre **redingote** (57) e un blanc gilet. Ecce postea le **cosino** (60) e le **cosina** (61) . Iste ultime tene per le mano le **soror** (62) del neonato, le parve Berta.","t03-c1-20-1":"20. — Le altere **fratre** (63) de Berta marcha detra. Ille da le mano a un **parenta** (64) . Le **amicos** (65) del familia veni postea.","t03-tit-7":"Le spectatores.","t03-c1-21-1":"21. — Presso le cortege, ecce un **mendicante** (66) appoiate sur su **cruciata** (67) . Ille demanda un almosna.","t03-c1-22-1":"22. — Al altere latere il ha un parve puero multo **polite** (68) . Ille saluta e desira « **bon die** » al personas que ille cognosce.","t03-c1-23-1":"23. — Le villageses exiva de lor casas pro vider le cortege del baptismo. Nos vide un **campanio** (69) con su **bonetto de coton** e presso ille un **campania** (70) . Postea un **ancian** (71) appoiate sur su **baston** (72) . Finalmente le **molinero** (73) con su grande **cappello de feltro** (74) e un juvene campania calceate de **sabots de ligno** (75) , qui insenia marchar a su infantetto.","t03-c1-24-1":"24. — Iste scena es multo amusante.","t03-tit-8":"*Secunde scena.*","t03-tit-9":"Festa public.","t03-tit-10":"Jocos nautic e regatas.","t03-c2-01-1":"1. — Le **estate** arrivava. Le multo calide sol del mense de **junio** (**julio** o **augusto**) incita le juvenes a banar se e canotar.","t03-c2-02-1":"2. — Sur le ripa dextre del fluvio, le canoteros se disvesti pro participar in le jocos nautic e regatas.","t03-c2-03-1":"3. — Un de illes leva su **scarpas** (1) ; ille los disliga (disbottona). Su duo camerados ja es preste. De ora illes ha solmente lor **maillot** (2) e **calzon de banio** (3) . Illes conversa attendente lor amicos. Illes parla del feria e del festa que ha loco sur le altere ripa.","t03-c2-04-1":"4. — Sur le solo, presso illes, jace le **vestimentos** de lor camerados : un **par** de **bottinas** (4) , **scarpas** (5) , **calcettas** (6) , cappellos de **feltro** (7) e de **palea** (8) e un **cravata** (9) .","t03-c2-05-1":"5. — Un del juvenes plicava curosemente su **jachetta** (10) . Ille lo pone sur un toalia, in le qual su vicino tosto inserrara le duo **vestimentos**.","t03-c2-06-1":"6. — Un sexte puero es in retardo. Ille ha ancora su **casquetta** (11) sur le capite. Ille non levava ni su **camisa** (12) , ni su **collar** (13) , ni su **manchettas** (14) . Ille tene in le mano su **gilet** (17) e ha ancora su **pantalon** (16) e **bracieras** (15) . Certemente ille non essera preste pro le cursa proxime.","t03-c2-07-1":"7. — Presso le juvenes, un parve via al lateres del qual il ha multe **cardos** (18) , conduce al bordo del riviera, ubi le patre Jacobo prepara inter le **cannas** (19) le **artificios** (20) que on tirara le vespere.","t03-tit-11":"Le cursa.","t03-c2-08-1":"8. — Sur le riviera, alcun damas, protegente se con lor parasoles, promena in un **barca** (21) . Illas seque le cursa que es multo interessante. In cata **yole** (22) , quatro **remeros** (24) rema con tote lor fortias, durante que le **timonero** (26) tene le **timon** (25) e dirige le fragile barca a remos. Le **remos** (23) batte le aqua in cadentia e le legier barcas naviga con un rapiditate vertiginose.","t03-c2-09-1":"9. — Alcun juvenes lucta inter se, presso le pilastro del ponte, pro le premio del **mast unctate** (28) . Un de illes marcha con prudentia sur le flexibile e lubric mast pro attinger le parve **bandiera** (29) fixate al extremitate. Su infortunate **concurrente** (30) cadeva in le aqua. Ille nata pro attinger le terra.","t03-c2-10-1":"10. — Juvenes plus etose face un **torneo (de barcas)** (32) presso le **quai** (33) . A tote iste jocos assiste un numerose **publico** (31) appoiate al **parapetto** del **ponte** (27) e amassate sur le **ripa**. Alcun spectatores, tamen, se torna pro sequer le joco del **mast de premio** (45) o pro admirar le **escorta municipal** que veni pro le **distribution** del premios.","t03-c2-11-1":"11. — Primo, ecce alcun **garsonettos** (35) qui preceede le **musicos** (36) ; postea veni le **maire** (37) , le adjunctos e le **consilio municipal** del parve citate. Finalmente marcha le **pumperos** (38) .","t03-tit-12":"Le feria.","t03-c2-12-1":"12. — Numerose personas es sur le **placia del feria** (39) . On veni vider le diverse **barracas**: le **cavallos de ligno** (40) , le **circo** (41) ubi le representation ja comenciava; le **ballo public** (42) , ubi le juvenes e le juvenas del citate gaude le placer del **dansa**.","t03-c2-13-1":"13. — In le fundo, nos vide le **arena** (44) ubi le brave **matador** espaniol lucta contra le furiose **tauro** (45) , postea le **pista de patinage** (49) , le **stand de tiro** (46) ubi on se exerce a usar le **armas de foco** e a tirar al **scopo**.","t03-c2-14-1":"14. — Presso, ecce le **theatro de feria** (47) in le qual on joca le **comedia** e le **drama**. Multo presso, il ha le barraca del **gigante** (48) e del **nano**. Le **statura** del prime es duo metros plus dece-cinque centimetros; le secunde es a pena tanto grande como un infante.","t03-c2-15-1":"15. — Finalmente, ecce le grande **menagerie** (50) con su **bestias salvage**, su **tigre** (51) con potente **ungues**, su **leon** (52) con dense **criniera**, su duo **girafas** (53) e su **elephante** (54) qui usa tanto habilemente su **trompa**.","t03-c2-16-1":"16. — Le **domator** (55) qui dressa iste bestias es al porta del barraca.","t04-apar-1":"TABELLA N o 4 Etate matur e vetulessa.","t04-tit-1":"*Prime scena.* Le banchetto de nuptias.","t04-tit-2":"Le autumno.","t04-c1-01-1":"1. — Le juvenes cresceva. Un de illes, Johannes, se marita. Nos assiste al **banchetto de nuptias** que reuni, circa le mesme tabula, le familias del sposos.","t04-c1-02-1":"2. — Nos es in **autumno**, in le **mense de septembre**. Le frigide vento de **octobre** e de **novembre** non ha ancora private le campania de su verde foliage. Le aere del vespere es tepide e perfumate; pro isto le cena ha loco sub le **veranda** (8) presso le jardin.","t04-c1-03-1":"3. — Lontano, sur le **collina** (3) , se trova le casa del parentes de Johannes, un elegante **castello** (1) celate in le verdura; belle vineas, que produce un excellente vino, coperi le declivo del collina. Le vinicultor los cultiva e cura.","t04-c1-04-1":"4. — Super le vineas, passa un volo de **perdices** (2) espaventate per le approche del **guarda de chassa** (5) . Iste ultime, con su **fusil** sub le bracio, e un **sacco de chassa in bandoliera**, explora le **boschetto** (4) con su **can** (6) . Ille survelia le dominio e impedi le furto-chassatores de destruer le gibier.","t04-c1-05-1":"5. — Foras del **veranda**, ascende un **vite in espalier** del qual pende dense **racemos** (7) .","t04-c1-06-1":"6. — Le belle flores autumnal, que guarni le **tabula** (16) , es **chrysanthemos** (9) ; le **patre** (10) del maritata poneva un de illos in le button-foramine de su frac.","t04-c1-07-1":"7. — Le repasto se termina. Le **servitor** (11) comencia apportar le plattos de dessert e tosto levara le diverse partes del coperto, **cocleares** (14) , **furcas** (12) , **cultellos** (13) , **platteras** (15) de que on non ha plus besonio.","t04-tit-3":"Le parentela.","t04-c1-08-1":"8. — Totes pare gaudiose, e le surriso con le qual le **matre** (17) del maritato reguarda su filios proba su felicitate.","t04-c1-09-1":"9. — Iste maritage uni duo ric familias del pais. Johannes, le **sposo** (18) , es **filio** de un grande proprietario e ille deveni le **genero** de un habile industrial.","t04-c1-10-1":"10. — Le **sposos** es juvene e tamen illes esseva de longe **fidantiate**. Le **juvene femina** (19) , Martha, es incantatori in su **roba blanc** guarnite de flores de orangiero.","t04-c1-11-1":"11. — Su **patre affin** (20) es multo felice haber un tanto amabile **nuera**, e le **matre affin** (21) de Johannes surride vidente tanto belle su **filia**.","t04-c1-12-1":"12. — Al extremitate del tabula, sede le altere **invitatos** (22) , **parentes, amicos, cosinos, cosinas**. Un **maestro de sala** (23) , con un servietta sub le bracio, los servi diligentemente.","t04-tit-4":"Le amicos.","t04-c1-13-1":"13. — Al latere dextre del tabula, ecce un **damicella** (24) , **amica** del juvene sposa, postea le **fratre** de iste ultime, qui es su **cavallero de honor** (25) . Ille garrula con su **damicella de honor** (26) soror del sposo e qui, per iste maritage, deveni le **cunata** de Martha. Illa es un incantatori juvena. Illa ha belle **joieles, un collar de perlas**, e un **bracialetto** de auro.","t04-c1-14-1":"14. — Presso illes, le senior qui sta e leva su vitro es un **amico** (27) del familia. Ille es un del **testes del sposo**. Ille **face un brindise**, bibe pro le **sanitate** del juvene sposos e les desira un longe felicitate. Ille es vestite de un costume de ceremonia, de un frac con **scarpas vernissate** (28) . Ille es le accompaniator del **ava** (29) qui es **vidua**.","t04-c1-15-1":"15. — Le juvene in **frac** (31) , con un tenue mustachio nigre, es le **cunato** (30) de Johannes. Ille es un eminente ingeniero. Ille es le vicino de un **juvene dama** (33) multo elegante, le **soror major** de Martha e le matre del gratiose parve puera qui veni, dante le bracio a su cosino, offerer un flor e **desirar** le **bon vespere**. Iste dama ha multo belle **pendentes** e un elegante **coiffura**.","t04-c1-16-1":"16. — Le parve cosino, tanto estranie per su **blusa** (36) e su **pantalon** bouffante (37) es multo digne de compassion. Ille es un **orphano** (35) . Multo juvene ille perdeva su patre e su matre. Su oncle es su **tutor** (38) , e restava celibe pro educar le povre infante. Ille es un homine benigne. Ille es un pauco calve e multo miope; ille usa un **pincenez**.","t04-tit-5":"Le dessert.","t04-c1-17-1":"17. — Detra le convivas, sur un tabula coperite de un **coperi-tabula**, le **dessert** (39) es preparate. In un grande cuppa, ecce fructos, **persicas** (40) , **piras** (41) , **pomos** (42) , **abricotes** (43) e **uvas** (44) . Presso, **ananas** (45) , un belle **torta** (46) , **bottilias de liquor** (48) e **champagne** (49) e anque columnas de **plattos** (47) nette.","t04-c1-18-1":"18. — Le **cellerero** (50) distoppa un **bottilia** (52) de vino vetule con un **tira-corco** (51) . Le **corco** (53) pare multo difficile a tirar. Iste cellerero ha un **servietta** (54) sub le bracio.","t04-c1-19-1":"19. — Post le cena, le seniores ira al fumatorio, e le damas ira preparar se pro le ballo.","t04-tit-6":"*Secunde scena.* Le anniversario del avo.","t04-tit-7":"Le visita.","t04-c2-01-1":"1. — Dece annos passava, le parentes de Johannes deveniva vetule e ama multo lor tres nepotes, duo **nepotes** (2) e un **nepta** (3) . Proque hodie es le **anniversario del avo**, le filios veni desirar les un bon festa de natalitate.","t04-c2-02-1":"2. — Le parve Petro es ancora multo juvene, ille ha solmente tres annos. Ille vide le **catto** (1) approchar. Ille vole caressar su belle **pelo** sericee e su longe **cauda**, ille non reflecte, que sub le gratiose **patas**, se cela ungues maligne e acute que forsan le grattara.","t04-c2-03-1":"3. — Su soror Gabriela, qui le da le mano, es multo plus seriose e Marcello con su grande **mantello** (4) e **cinctura** (5) de corio pare un pauco virilisate, malgrado su curte pantalon que lassa vider su **calceas** (6) .","t04-c2-04-1":"4. — Lor patre poneva su spisse **supertoto** (7) de hiberno con un **collar de pelle** (8) e, in su **tasca** (9) , ille ha un foulard. Su sposa ha su cappello de feltro guarnite de **plumas** (10) , su **jachetta** (11) , su **boa de pelle** (12) e su **manchon** (13) .","t04-c2-05-1":"5. — Il face multo frigido, proque regna le hiberno. Le **nive** (19) cadeva durante tote le die e le tectos del casas es toto blanc. Al mesme tempore que le **nocte**, le frigido deveni mesmo plus acute. In le celo, le **luna** (17) e le **stellas** (18) brilla e transpassa **le obscuritate**.","t04-tit-8":"Le maladia.","t04-c2-06-1":"6. — Le povre **cieco** (20) qui transversa le placia ante **le pharmacia** (16) conducte per su **caniche** (21) , es multo infelice. Justina, le **servitrice** (14) , apporta del cocina un **bassinetto** (15) de multo calide **tisana** succurate generosemente.","t04-c2-07-1":"7. — Le **ava** (23) qui vole cercar su **lorgnette** (26) sur le tabula, pro leger le **recepta** (27) que le **medico** (25) justo scribeva, se leva de su fauteuil, appoiante se sur su **baston** (24) .","t04-c2-08-1":"8. — Sovente illa suffre de **indispositiones, vertigines, catarros, dolores de dentes**, su gambas es debile e su oculos non es plus multo bon. Malgrado isto, con placer illa se burla de su vetule **medico** qui vole sempre prescriber le un **potion** (28) . Hodie illa es multo gaudiose proque illa ha circa se su juvene familia.","t04-c2-09-1":"9. — Il es confortabile in le camera ben claudite. In le **camino** (29) de marmore flamma un **belle foco** (30) , e on se senti felice in le dulce **lumine** del **lampa** (31) que on justo accendeva.","t04-tit-9":"Le avo.","t04-c2-10-1":"10. — Mesmo le **avo** (33) oblidava, que ille esseva malade, que su **rheumatismo** le fixa a su **fauteuil** (34) e que, heri ancora, ille habeva **febre e syncopes**. Ille non memora plus, que durante le ultime hiberno ille suffreva de **pneumonia** e que un rauc e penose **tussimento** le rendeva multo suffrente.","t04-c2-10-2":"E tamen multo difficilemente ille esseva sanate. De ora ille sta un pauco melio. Ma su gamba que ille appoia sur un **cossino** (38) ponite sur un parve **tabouret** (39) anque le dole.","t04-c2-11-1":"11. — Quando ille es curosemente inveloppate in su calide **roba de camera** (35) con spisse **buttones** (36) de nacre e quando ille ha presso se, pro leger le le jornal, le parve **orphana** (40) vestite de un blanc **coiffa**, de un blau **roba** (42) e un **pelerina** (41) , ille non se plange.","t04-c2-12-1":"12. — Cata anno, quando le **calendario** (43) de nove indica le **data** del prime **decembre**, ille attende impatientemente su **nepotes**, proque ille sape, que illes non oblidara iste **data** importante.","t04-c2-13-1":"13. — Ille memora con emotion le tempore multo ancian quando ille personalmente veniva desirar un bon festa al gloriose **marechal** imperial, del qual le **portrait** (44) pende al muro, e qui es le **proavo** de su filios.","t05-apar-1":"TABELLA N o 5 Le casa e su construction.","t05-tit-1":"Bon incontro.","t05-01-1":"Johannes. — Oncle mie, io desira multo saper como on construe un **casa**.","t05-01-2":"Le oncle (80) . — Isto es multo facile, mi amico, veni con me, io te monstrara illo que senior Bernardo (79) face construer e que io habitara.","t05-01-3":"Johannes. — Qui dunque designava le **plano** (76) de iste casa?","t05-01-4":"Le oncle. — **Le architecto** (75) ; ille presentava un multo clar designo que esseva approbate, e **le interprenditor** (77) comenciava le labores.","t05-01-5":"Johannes. — Qui dunque es le interprenditor?","t05-01-6":"Le oncle. — Ille es senior Blanco, le patre de tu amico Jacobo. Ille dirige le obreros con senior Rufo, le architecto.","t05-01-7":"Ecce! justo a tempore veni senior Blanco con su **regula** (78) , e senior Rufo con su plano.","t05-01-8":"Bon die, seniores. Como sta vos?","t05-01-9":"Senior Rufo. — Multo ben, gratias. Bon die, Johannes, quanto cresceva iste infante!","t05-01-10":"Le oncle. — Si, vermente, ille es un parve homine. Ille es multo seriose, on debe informar le de toto lo que ille vide. Hodie, ille volerea saper como on construe un casa.","t05-tit-2":"Le obreros.","t05-01-11":"Senior Blanco. — Ben, veni con me, parve amico, io te lo explicara tosto, proque io ama multo le pueros qui vole instruer se.","t05-01-12":"Tu vide ille obrero qui tene un **pala** (82) in le mano : ille es un **terrassero** (81) . Ille excava un **trenchea** (46) pro poner le tubos de aqua. Ille anque excavava le solo in le loco ubi es le casa, pro que le muratero erige le quatro **muros**. Le parte de iste muros que es in le solo es nominate **fundamentos** (2) . Le spatio inserrate inter le fundamentos forma le **cellario** (3) . Iste cellario ha un parve fenestra nominate **fenestra de cellario** (5) , un **porta** (4) e un scala.","t05-01-13":"Le **muratero** (108) continuava construer le muros lassante aperturas pro le **portas** (8) e le **fenestras** (17) .","t05-01-14":"Johannes. — Ma, iste muratero io non le vide!","t05-01-15":"S o Blanco. — Ora ille finiva laborar in le casa. Ille es presso le **stabulo** (54) , sur su **scafalage** (110) , ille construe le muro del **lavanderia** (56) .","t05-01-16":"Ille ha un trulla, un gaveta e un **fil a plumbo** (109) . Ma tu non memorara iste nomines.","t05-01-17":"Johannes. — Certo si, proque io tosto demandara a mi oncle un parve trulla e un gaveta, e io mesme fabricara un fil a plumbo con un cordetta.","t05-tit-3":"Le material.","t05-01-18":"Le oncle. — Ha! multo ben. Ma dice me, Johannes, que ha on besonio pro construer un casa?","t05-01-19":"Johannes. — On ha besonio de **petras de talia** (59) e de **mortero** (65) .","t05-01-20":"Le oncle. — Justo, vide ille homine, con un grande cappello, sur su **carro** (136) . Ille es un **carrettero** (135) . Cata die ille apporta hic **blocos de petra** (60) . Ille discarga su vehiculo in le corte, e le **talia-petras** (83) talia le blocos e los seca con lor **serra a petra** (85) . Un **manobrero** (146) los porta al muratero qui los pone in loco.","t05-01-21":"Intertanto, le **mesclator** (87) prepara le mortero. Ille ha besonio de **sablo** (62) , de **calce** (63) e de **aqua** (64) . Le calce es presso ille in un **sacco** (71) , un **servitor de muratero** (111) le apporta le sablo sur un **carretta a mano** (112) e le **apprentisse** (113) es al pumpa (58) . Ille plena un **situla** (114) . Le mortero es tosto preste. Le **portator de mortero** (107) lo prende e lo porta in alto, per le scala, sur le scafalage, ubi labora un muratero qui fini iste latere del casa.","t05-01-22":"E ora, como es nominate le obrero qui labora le **tecto** (31) ?","t05-01-23":"Johannes. — Ille es un **copritor de tectos** (118) .","t05-tit-4":"Le tecto del casa.","t05-01-24":"S o Blanco. — Si, ma primo veni le **carpentero** (115) .","t05-01-25":"Le carpentero labora le **carpenteria** (35) . Ille assembla le **traves** (37) per **chevilias** (117) . Ille obreros, illac in alto, con lor large pantalones de veluto, es carpenteros. Le un tene un parve trave, e le altere seca un chevilia con su **hachetta** (116) . Ille qui es presso le **camino** (41) es le copritor de tectos. Ille inchoda lattas sur le (*) trabes, e **ardesias** (66) sur le lattas. Alcun vices ille pone tegulas.","t05-01-26":"Le tecto del stabulo es **coperite de tegulas** (55) , illo del casa es **coperite de ardesias** (32) e illo del veranda es de **zinc** (24) .","t05-01-27":"Johannes. — Esque le copritor de tectos labora anque le tectos de zinc?","t05-01-28":"S o Blanco. — No, ma le **obrero de zinc** (121) o le **plumbero**, ille qui pone un **lucarna** (38) sur le tecto del casa. Ille pone anque le **tubos de pluvia** (43) e le **gutteras del tecto** (42) . Ille solda le zinc e le latta. Ille fixava le **parafulmine** (40) e le **gyroscopio** (39) sur le **fronton** (36) .","t05-01-29":"Johannes. — Assi le casa es finite?","t05-tit-5":"Le utensiles.","t05-01-30":"S o Blanco. — Non completemente. Le **gypsero** (99) construe con **briccas** (61) le parietes que lo divide in diverse cameras. Ille coperi de **gypso** (70) le **plafones** (26) e le muros. Ora ille labora le plafon del **veranda** (33) . Ille ha, como le muratero, un **trulla** (100) e un **gaveta** (101) .","t05-01-31":"Postea le ebenista labora le portas, le fenestras, le **parquetes** (16) e le **persianas** (19) .","t05-01-32":"Ora ille labora in le corte sur su **banco** de travalio (90) . Ille ha un **serra** (94) pro secar le ligno (69) , un **plana** (91) , un **morsa** (92) , un **cisello** (94 bis) , un **compasso** (95) , e un **martello** de ligno (95 bis) .","t05-01-33":"Johannes. — Ha! ma il es plus amusante facer ebenisteria que muratura. Oncle mie, tu comprara pro me un banco de travalio, un serra e un plana, proque io tosto laborara un cabana pro Medor.","t05-01-34":"Le oncle. — Si, parve puero.","t05-01-35":"Johannes. — Quanto contente io es! E qui es ille qui sta presso le porta de entrata?","t05-tit-6":"Le pictura.","t05-01-36":"S o Blanco. — Ille es un **pictor** (102) . Ille sta sur su scala con un pote de **pictura** (103) e su **pincel** (104) . Ille pinge le ligno del porta de entrata pro un plus longe conservation.","t05-01-37":"Ille anque colla le papiros in le appartamentos.","t05-01-38":"Le **tapissero** (107) qui es sur un **scala** (106) , sur le **balcon** (28) , pone un **store** (29) .","t05-01-39":"Le obrero stante presso le grande fenestra es le **vitrero** (96) . Ille fixa le **vitros** (18) per **mastico** (73) . Ille altere obrero, genuflexe presso le porta del cellario es un **serrallero** (97) . Ille pone un **serratura** (6) . Su **lima** (98) es presso ille.","t05-01-40":"Johannes. — Esque es anque un serrallero, ille obrero qui batte con su **martello** (84) sur un ferramento?","t05-01-41":"S o Blanco. — Plus exactemente, ille es un ferrero (125) . Ille forgia **ferramentos** (67) pro le **electricista** (124) qui es sur le tecto del **remissa** (51) . Ille ha un **forgia** (126) , un **incude** (127) e un **tenalia** (128) .","t05-01-42":"Le electricista fixa le **filo** de **cupro** (44) del telephono.","t05-tit-7":"Le jardinage.","t05-01-43":"Le oncle. — In le fundo del **corte** (45) , presso le **grillia** (47) e le **portal** (48) tu vide le **jardinero** (129) . Ille prepara le **parve jardin** (49) . Ille fodeva le terra con su **pala** (131) , ille semina semines e rastra con le **rastro** (130) . Postea, con su **regatorio** (132) , ille aquara le **plattabandas** (50) e le plantas crescera.","t05-01-44":"Le **palafrenero** (133) qui justo curava le cavallo e le dava alimento netta le **vehiculo** (52) con un spongia, un **pumpa a mano** (134) e un situla de aqua. Postea ille lo reintroducera in le remissa e claudera le porta con le spisse **pessulo** (53) .","t05-01-45":"Ecce te contente, io crede, tu habeva bastante explicationes.","t05-01-46":"Johannes. — Si, oncle mie, ma con placer io viderea le interior del casa.","t05-01-47":"Le oncle. — Isto habera loco deman. Senior Rufo te explicara le plano e te indicara le nomine de cata camera.","t05-tit-8":"Disposition interne del casa.","t05-apar-2":"*(Vide le plano.)*","t05-01-48":"Le architecto. — Veni, Johannes, io te facera tosto explorar le diverse partes del casa.","t05-01-49":"Entramus le **terreno** (7) . Ecce le button del **campanetta** (11) . Nos ascende le tres **gradines** (14) del **perron** (9) , nos transversa le **limine** (10) del **porta** (8) de entrata e ecce que nos es al pede del **scala** (13) .","t05-01-50":"Johannes. — Isto es le corridor.","t05-01-51":"Le architecto. — No, isto es le **vestibulo** (12) . Le **corridor** (a) es al extremitate. Al dextra, ecce le **salon** (b) e le **sala a mangiar** (c) , opposite al sala a mangiar es le **cocina** (d) e le **officio** (e) , postea ante illo le **gabinetto de travalio** (f) . Le **veranda** (23) con su **porta vitrate** (25) es presso le salon.","t05-01-52":"Nos ascendera tosto le scala. Appoia te al **rampa** (15) e conta le gradines. Illos es dece-quatro. Ecce le **planetto** (m) , nos es sur le prime **etage** (27) .","t05-tit-9":"Le prime etage.","t05-01-53":"Opposite al scala, il ha le **latrina** (20) e le **gabinetto de toilette** (j) . Al dextra un belle **camera de dormir** (g) con duo fenestras al **facade** (1) del casa. Al sinistra, il ha le **sala de banio** (1) e le **camera pro amicos** (i) con un grande **alcova** (h) : Presso le camera de dormir es le **camera pro le infantes** (k) . Illo se trova presso un vaste **terrassa** (21) . Sub iste terrassa il ha un altere latrina (20) e, al muro, ecce le **campana** (22) que sona pro le cena.","t05-01-54":"Johannes. — Vamos sur le **secunde etage**.","t05-01-55":"Le architecto. — Il non existe un secunde etage. Sub le tecto il ha solmente **mansardas** (33) e le granario (34) . Nos finiva le exploration, nos pote redescender.","t05-01-56":"Johannes. — Gratias, senior, isto es multo interessante. Io racontara tosto a mi patre toto lo que io videva.","t06-apar-1":"TABELLA N o 6 Le interior del casa, le mobiliario, le alimentation, le illumination.","t06-apar-2":"Le casa es finite. Le oncle de Johannes es installate in su nove domicilio, del qual nos cognosce le disposition. Ora videamus como ille mobilava su casa. Nos explorara primo:","t06-tit-1":"Le camera de dormir.","t06-c1-01-1":"1. — Nos arriva a un mal momento, proque le camerera es occupate a nettar le **camera**.","t06-c1-02-1":"2. — Sur le **tabula de toilette** (1) il ha hic e illac diverse objectos con le quales on se lava, se pectina, in un parola on face su toilette. Illos es le **bassinetto** (2) e le **urceo de aqua** (3) , le **brossa pro capillos** (4) , le **pectine** (5) , le **sapon** (6) e le **spongia** (7) , finalmente un **flacon** (8) pro le dentifricio liquide.","t06-c1-03-1":"3. — Sur le solo, ante le tabula de toilette, ecce le **situla** (9) pro colliger le aquas immunde.","t06-c1-04-1":"4. — Nos vide in le **antecamera** (10) alcun **crocos pro vestimentos** (13) e duo **parapluvias** (11) in le **portaparapluvias** (12) .","t06-c1-05-1":"5. — Al altere latere del porta il ha le **armario a speculo** (14) que contine le **linage** (15) .","t06-c1-06-1":"6. — Profitemus que le **camerera** (16) arrangia le **lecto** (17) , pro explorar su diverse partes. Le **quadro del lecto** (20) contine un bon **matras a resortos** (21) sur le qual Justina tosto ponera un **matras** (22) de lana. Postea illa prendera del sedias le duo **drappos de lecto** (23) e le **coperilecto** (24) . Alora illa ponera sur le testiera, le **cossino transverse** (25) , le **cossino de capite** (26) que es con le **plumon** (27) sur le **tapete del lecto** (32) . Illa usa un plumaceo pro dispulverar le **cortinas** (19) e le **baldachino del lecto** (18) e ecce un parte del labor finite.","t06-c1-07-1":"7. — Alora illa debera ordinar un pauco le **tabuletta de nocte** (28) , retender le **eveliator** (29) , preparar le **parve lampa de nocte** (30) , levar le **candela** (31) pro nettar le candeliero.","t06-tit-2":"Le corbe a labor e le accessorios del camino.","t06-c1-08-1":"8. — Le **corbe a labor** (34) presso le **tabouret** (33) anque ha multe besonio de esser ordinate. Illa debera plicar le **brodaturas** (35) , inserrar in le **tabula de labor** (38) le **digital**, le **filo** (36) , le **acos** (37) e le **cisorios** (39) e clauder con le **clave** (40) le coperculo del tabula.","t06-c1-09-1":"9. — Sur le **gueridon** (41) del medio, Justina renovara le aqua del **carrafa** (42) . Illa ponera **sucro** in le **sucriera** (43) , nettara le **pincetta pro sucro** (44) e levara le **brossa pro vestimentos** (46) .","t06-c1-10-1":"10. — Le latere dextre del camera requirera de illa minus labor, proque le **chaise-longue** (47) e su **cossino** (48) es a lor juste loco, e, proque il non face frigido, nihil es displaciate inter le accessorios (utensiles) del **camino** (49) . Le **pala** (50) , le **tenalias** (51) , le **chenettos** (55) , le **guarda-cinere** (56) es nette; le **schermo de foco** (54) non esseva displaciate e le **cassa de ligno** (52) es ben providite de **ligno a arder** (53) .","t06-c1-11-1":"11. — Tamen illa debera dispulverar le **pendula** (57) , le **candelabros** (58) e le **portaobjectos** (59) , finalmente ablue le **speculo** (60) .","t06-c1-12-1":"12. — Quanto al **cuna** (61) del infantetto (del babo (*) ), illo ja es preste.","t06-tit-3":"Le salon.","t06-c2-01-1":"1. — Ora ecce le salon. Illo es un multo belle **camera**. Le camino, que se trova al angulo dextre es ornate de un delicate **statuetta** (1) , de duo belle **vasos** (3) e drappate de un **lambrequino** (2) de veluto (*) .","t06-c2-02-1":"2. — Pro impedir que le scintillas del focar arde le tapete, on poneva ante le focar un **para-scintillas** (4) de cupro.","t06-c2-03-1":"3. — Presso, un elegante **scriptorio** (5) de dama es aperte. Sur illo le **domina del casa** (23) scribe su litteras.","t06-c2-04-1":"4. — Le fenestra es guarnite de **cortinas de tulle** (6) con **ligamines** (8) appendite a **crocos** (7) e de grande cortinas de stoffa **drappate in alto** (9) .","t06-c2-05-1":"5. — In le embrasura del fenestra, un **cache-pot** (11) contine un **planta verde** (10) , un splendide palmiero del qual le folios se extende quasi usque al **lampa a petroleo** (12) .","t06-c2-06-1":"6. — Le **umbrella del lampa** (13) es arrangiate per Maria, le incantatori **juvena** (14) qui es al piano (15) . Sedente multo recte sur le **tabouret** (16) , illa studia un partitura. Illa es multo habile e curose, como proba su **armario a musica** (17) que es perfectemente ordinate.","t06-tit-4":"Le mal puero.","t06-c2-07-1":"7. — Su fratre, Paulo, cerca un **libro** (19) in le **bibliotheca** (18) . Ille es un **juvene** (20) , movimentose e intolerabile. Suspendente se al bibliotheca pro attinger le libro que es troppo alte, ille risca facer cader le **busto** (21) que es supra.","t06-c2-08-1":"8. — Ille profita, pro facer iste stultessa, que su matre es occupate a conversar con un amica, un **dama** (22) qui veniva passar alcun dies in su casa. Le matre sede sur un **canape** (24) presso le **fauteuil** (25) , e su amica es sur le **sedia** (27) del qual on vide solmente le **dorso** (26) .","t06-c2-09-1":"9. — Le grande **quadro** (30) pendente al muro contine le **portrait** (29) de un parenta. In le **album** (32) ponite sur le tabula es reunite le **photographias** (33) del altere membros del familia. Le infantes justo lo foliava, proque le **sedias** (31) es ancora gruppate circa le tabula.","t06-c2-10-1":"10. — Le **vaso chinese** (34) de porcellana, que es presso le **cultello a papiro** (35) esseva donate a Maria pro su festa, e le **paravento** (36) que guarni le angulo del camera esseva apportate de China per su oncle.","t06-c2-11-1":"11. — Allegrate per le belle **picturas** (37) appendite al **pariete** (42) , illuminate per le **lustro del plafon** (38) , del qual le **lampas electric** (39) le vespere brilla gaimente, iste salon pare multo agradabile. Le molle **tapete** (40) extendite sur le parquete, e le tanto facile a usar **campana electric** (41) , completa su conforto.","t06-tit-5":"Le sala a mangiar.","t06-c3-01-1":"1. — Sonava le hora del cena. Tote le familia, excepte Maria, es reunite circa le tabula. Le sala a mangiar es agradabilemente calefacite per le excellente **stufa** (1) de faience, con un tenue **tubo** (2) .","t06-c3-02-1":"2. — Iste camera non contine multe mobiles. Al longo del muro pende, super le **banchetta** (4) , un **fontanetta** (3) ornamental. Multo presso, il ha le **credentia** (5) sur le qual on pone le alimentos frigide, le plattos de dessert, e le diverse utensiles de tabula de que on non ha besonio immediatemente.","t06-c3-03-1":"3. — Assi nos vide sur le tabuletta superior, un **pullo rostite** (7) , un **pisce** (8) e un **cuppa** (10) con **fructos** (9) . Infra ecce le **caseo** (11) , le **pan** (12) , le **portaflacones** (13) que contine toto lo que on besonia pro condimentar le salata: le oleo, le vinagre, le **sal** (14) e le **pipere** (15) . Finalmente, sur le tabuletta inferior il ha un **torta** (17) presso le **mustardiera** (16) .","t06-c3-04-1":"4. — Le horologio del sala a mangiar, que on nomina **horologio de muro** (20) , ha un forma multo particular. Illo es incastrate in un quadro de ligno que contine ancora un **barometro** (19) e un **thermometro** (18) .","t06-tit-6":"Le servicio del cena.","t06-c3-05-1":"5. — A tote le muros del camera es applicate **pannellos de ligno** (21) de querco cerate. Un **portiera** (22) de stoffa claude satis ben le porta que da entrata al veranda. Illac le familia ira biber le caffe post le cena. Ja le **tassas** (24) e le **sub-tassas** (25) es preste sur le **mobile a plattos** (23) .","t06-c3-06-1":"6. — Super le tabula es fixate al plafon un **suspension** (26) del qual le multo brillante lampa le vespere illumina tote le sala a mangiar.","t06-c3-07-1":"7. — Ora exploremus le **tabula a mangiar** (27) mesme. Quando le familia entrava, le coperto esseva preste. Sur le **coperi-tabula** (28) esseva ponite, al loco de cata conviva, un **platto** (33) , un **servietta** (29) , un **coclear** (34) , un **furca** (35) , un **cultello** (36) e un **vitro** (32) . Il habeva anque **bottilias** (30) pro le vino e un **carrafa** (31) pro le aqua.","t06-c3-08-1":"8. — Le **servitor** (39) primo apportava le **suppiera** (37) , in le qual ancora fuma un pauco de suppa. Ora ille servi le prime **platto** (38) , un platto de carne. Postea ille presentara illos que nos ja nominava, finalmente, post le **platto de dessert**, ille profitara que su patronos habera entrate le veranda, pro levar le utensiles de tabula e reordinar le sala a mangiar.","t06-c3-08-2":"*Nota.* — *Le parolas de uso commun concernente le alimentos, es hic indicate multo summarimente. Le lista essera completate sur le duo tabellas « Le Hotel » (n o 13) e « Le Mercato » (n o 15).*","t06-tit-7":"Le cocina.","t06-c4-01-1":"1. — In le cocina, que nos comencia a reguardar tra le porta medio aperte, nos vide un pittoresc disordine. Ante le **focar** (1) in le qual crepita un **foco** (3) , es installate un **rostitorio** (5) . Un belle **rostito** (7) es **sur le spido** (6) e fini cocer se.","t06-c4-02-1":"2. — Le **sufflatorio** (8) e le **pala pro carbon** (9) , que on justo usava, restava sur le solo como le **ligno a arder** (10) .","t06-c4-03-1":"3. — Le supra del camino es ordinate; le **lanterna** (11) , le **cassetta de flammiferos** (13) , in le qual il ha le **flammiferos** (12) , le **candeliero** (14) e le **portacandela** (15) con un **candela** (16) es a lor loco. Ma le grande **situla pro carbon** (18) , plen de **carbon de terra** (17) que le **cocinera** (23) justo plenava in le cellario, restava in le medio del cocina.","t06-c4-04-1":"4. — In ver, le povre femina debe hastar pro que le dejuner sia preste a tempore. Ora illa es presso le **furno de cocina** (19) e agita un **sauce** (24) que non debe arder troppo.","t06-c4-05-1":"5. — In le **furno** (20) coce un torta, que illa preparava pro le merenda del infantes. Super le furno de cocina pende le **coclear pro le potto** (21) e le **coclear perforate** (22) .","t06-tit-8":"Le vasellamento.","t06-c4-06-1":"6. — Le **batteria de cocina** (25) , appendite in le fundo del camera, es multo nette. Le belle **cassarolas** de cupro (26) , le **potto a lacte** (27) , le **parve cribro** (28) e le **raspatorio** (29) esseva curosemente nettate.","t06-c4-07-1":"7. — Le **cassa a sal** (30) es ponite sur le armario a plattos presso le **urceo a the** (31) , e le **grande bottilia de oleo** (32) . Le **tiratorio** (33) probabilemente contine le utensiles de tabula e le cultellos de cocina.","t06-c4-08-1":"8. — Le **scopa** (34) e le **plumaceo** (35) es in un angulo. Le cocinera justo usava le **bloco de ligno** (36) , illa lo lassava presso le fenestra.","t06-c4-09-1":"9. — Un **toalia pro manos** (37) pende al muro, presso le **imbuto** (38) . In iste parte del cocina es deponite le **grillia** (39) , le **hacha** (40) e le **planca a hachar** (41) . Postea, super le hacha, sur un **tabuletta** (42) , il ha **pottos** (43) , le **potto a bullir** (44) con su **coperculo** (45) e le **marmita** (46) . Le **patella** (47) pende presso.","t06-c4-10-1":"10. — Solmente le **robinetto** de cupro (48) jecta un brillo in iste angulo. Le **lavamano** (49) sur le qual es ponite le grosse **urceo** (50) , es probabilemente multo commode con su parve armario, in le qual on conserva le **barril de vinagre** (51) providite de su **robinetto** (52) , le **cassa pro residuos** (53) e le **plattos immunde** (54) .","t06-tit-9":"Altere objectos ponite in le cocina.","t06-c4-11-1":"11. — Le **cuva** (55) in le qual on lava le **legumines** (58) e le **caldiera** (56) de ferro fundite ponite sur le **solo de tegulas** (57) probabilemente ha anque lor loco in iste armario.","t06-c4-12-1":"12. — Le cocinera certemente non manca de furnos, proque ecce ancora, sur le angulo del tabula, un **furno a gas** (59) sur le qual se caleface aqua in un parve cassarola. Le **vapor** (60) que escappa de illo nos indica, que probabilemente illo bulli. Verisimilemente iste aqua essera usate pro le caffe, proque ecce sur le altere extremitate del tabula, le **cafetiera** (64) e le **molino a caffe** (63) .","t06-c4-13-1":"13. — Le furno es connectite con le **becco de gas** (62) per un longe **tubetto de cauchu** (61) .","t06-c4-14-1":"14. — Le **servitrice a jornata** (66) qui veni adjutar le cocinera, prepara le legumines pro le cena. Quando illos essera mundate e lavate, illa los ponera in le **bassino** (65) attendente le hora pro cocer los.","t06-tit-10":"Le sala de banio. *(Camera de banio.)*","t06-c5-01-1":"1. — Nos ha a facer solmente un indiscretion pro cognoscer le principal cameras del appartamento: vider le installation del sala de banio. Isto non requirera un longe tempore, proque illo non es grande, e nos tosto sapera que le **cupa de banio** (1) ha un bon **calefactor de banio** (2) , que le **concha pro sapon** (3) es attingibile per le mano del baniator e que le **portatoalias** (5) certemente facera facile siccar le **toalias** (4) .","t06-c5-02-1":"2. — Iste camera ha su parietes coperite de **faiencerias** (6) , que permitteva installar un **apparato de ducha** (7) sin timer in alcun modo que le aqua, que resparge durante su uso, damnificara le muros. Un **parve bassino** (8) de zinc que servi pro le banios de pedes, completa le mobiliario.","t07-apar-1":"SECUNDE SERIE TABELLA N o 7","t07-tit-1":"*Prime scena.*","t07-tit-2":"Le village durante le hiberno.","t07-c1-01-1":"1. — Durante le vacantias del nove anno, io accompaniava mi patre a Villanova, un parve village ubi ille debeva tractar alcun affaires commercial.","t07-c1-02-1":"2. — Nos usava le **diligentia** (11) que functiona inter le citate e ille burgo; ma proque il faceva multo frigido, iste viage in un vehiculo pauco confortabile non esseva multo agradabile.","t07-c1-03-1":"3. — Pro isto nos sentiva un ver placer quando nos videva le **cochero** haltar su vehiculo sur le placia, ante le **albergo** (2) del *Urso Blanc*. **Le albergero** (4) nos attendeva sur le limine de su casa, fumante tranquillemente su **pipa**.","t07-c1-03-2":"Ille nos invitava entrar e io non me faceva rogar pro installar me ante le foco de sarmentos que crepitava in le focar. Alora io me burlava multo del acute **vento del nord** que face grunnir le vetule **insignia** (3) e portava via in nigre turbines **le fumo** (1) exiente del camino.","t07-c1-04-1":"4. — Il esseva le hora del dejuner. Sin attender plus longe, nos mangiava con appetito le simple ma sapide repasto que on nos serviva (*) .","t07-tit-3":"Alcun visitas.","t07-c1-05-1":"5. — Post le dejuner, io accompaniava mi patre, qui es agente de assecurantias, in su clientela. Primo nos visitava le **ferrero** (5) , qui habita presso le albergo. Ille esseva occupate a ferrar un cavallo. Io admirava le robustessa de su companion qui teneva solidemente sur su avantal de corio le **ungula** del cavallo, durante que le ferrero fixava le **ferro** (6) per forte colpos de martello.","t07-c1-06-1":"6. — Postea nos iva al **scarpero** (7) del village, le vetule Jacobo. Ben que ille ha como insignia un belle **botta**, ille se contentava de resolar un vetule par de scarpas traforate.","t07-c1-06-2":"Le ancian nos diceva ridente: « In le citate, io esseva “fabricante de scarpas” e io non habeva clientes. Hic, io es “reparator de scarpas” e le labor es multe. »","t07-c1-07-1":"7. — Ille nos parlava de su vicino le **barbero** (8) , del qual le clientela non es contente. Su **rasorios** es sempre brecate e su **cisorios** nunquam talia ben. Ma proque ille es le sol barbero del village, on es obligate naturalmente a facer se rader e facer taliar su capillos per ille. Del resto ille es un homine avar e disagradabile.","t07-c1-08-1":"8. — Felicemente, le altere **vicinos** non le resimila. Per exemplo le **carrettero** (9) es un homine benigne, laboriose e complacente. Il es un placer facer reparar un vehiculo per ille. Su labor es sempre finite.","t07-c1-09-1":"9. — Le vetule Jacobo anque non se plangeva del **sellero** (10) , le qual ille alcun vices adjuta a suer le **harnesamentos** quando le labor urge.","t07-c1-09-2":"Mi patre le questionava super su familia: « Totes sta ben. Mi nepta es in le **schola** (12) . Su **maestra** (13) es multo contente de illa, illa es un bon **alumna** (14) . Illa non resimila mi mal puero de filio; ille pensa solmente a jugar. Le **maestro** (15) non succede inseniar le lo que sia. »","t07-tit-4":"Conversationes de village.","t07-c1-10-1":"10. — Le ancian postea nos racontava le novas del village. On va construer un nove schola, proque illo installate in le **casa communal** deveniva troppo parve. Del resto isto es facile, proque il bastara comprar un parte del jardin del **molinero**. Isto essera multo profitabile pro le povre homine. Pro le frigido, le **molas** del **molino** (16) non pote plus moler le tritico, proque le **rota** (17) esseva haltate per le gelo del **glacie** (25) del **rivetto** (23) .","t07-c1-11-1":"11. — « Quanto al constructiones, ha vos vidite nostre nove **ecclesia** (18) ? Illo es multo pittoresc sub su mantello de nive. Le **corvos** (19) , qui non recognosce plus lor vetule campanario, tristemente se posa sur le grande arbore del **cemeterio** (20) ».","t07-c1-12-1":"12. — Iste idea del cemeterio rememorava al scarpero le personas que mi patre habeva cognoscite e qui moriva le anno passate. « Quante **tumbas** (21) , mi bon senior, se adjungeva al alteres, sub le **cypresso** (22) ! Le morte falceva nostre vetule notario. Tote le villageses assisteva a su **funerales**. »","t07-c1-13-1":"13. — « Ecce su successor qui patina sur le rivetto. Ille justo veniva facer reparar per me le corregia de su **patin** (26) que esseva rumpite. »","t07-c1-14-1":"14. — « Ecce anque sur le ripa del rivetto, le nove **guarda rural** (27) . Ille es un ex-gendarme qui terrifica le mal pueros del village. Illes fugi tosto que illes vide su **gambieras** (29) e su **kepi** (28) . »","t07-c1-15-1":"15. — « Ha! ecce le vetule Joseph qui conduce un **carretta de fasces de ligno** (30) pro le panetero. — Isto es ver, diceva mi patre, io recognosce su attelage de **mulas** (31) . Io ha ben besonio de parlar le, io profitara le occasion. A revider, patre Jacobo. »","t07-c1-16-1":"16. — Justo quando nos exiva, le pueros del village lassava le schola e currente se precipitava al **glissatorio** (33) con le risco de cader e rumper se un membro in le **cadita** (34) . Un de illes prendeva su **traino** (32) presso le carrettero, faceva seder in illo un de su camerados, e partiva currente.","t07-c1-17-1":"17. — Alteres se precipitava a un **amasso de nive** (37) presso le **ponte** (40) e comenciava bombardar le **statua de nive** (39) que illes habeva erigite le die de heri e al qual illes habeva ponite un cappello, un pipa e un sacco de schola in bandoliera.","t07-c1-18-1":"18. — Illes se cura pauco del vento gelide e del frigido. Le majoritate mesmo non ha un **grande cravata** (35) e, pro recalefacer se post le combatto per **bollas de nive** (38) , il les basta un mano plen de multo calide **castanias** (42) comprate del vetule **venditrice** Jacobina, qui treme de frigido sub su **mal chal** (43) troppo tenue.","t07-tit-5":"*Secunde scena.*","t07-tit-6":"Le casa rural durante le primavera.","t07-c2-01-1":"1. — Malgrado tote le placeres del hiberno, nos con profunde gaudio saluta le retorno del **primavera**.","t07-c2-01-2":"Quanto un allegrante tabella pare un corte de ferma, le vespere, in le mense de maio!","t07-c2-02-1":"2. — Al horizonte le **sol** (1) lentemente se corica, inundante le **campania** (3) de su purpuree **radios** (2) . Le diligente **aratero** (6) hasta arar su **campo** (4) .","t07-c2-02-2":"Con su **aratro** (5) attelate a un vigorose **cavallo** (7) , ille tracia le **sulco** (8) in le qual le **seminator** (9) con un mano plen jectara le **semine** que producera le auree spicas.","t07-c2-03-1":"3. — Le **falcatores** (11) providite de lor falces falcava le herba del prato, le fenatores siccava le **feno** (10) tornante lo con **furcas** (12) e rastros, e ecce que illes reveni.","t07-c2-03-2":"Unes marcha ante le pesante carro tirate per boves; illes porta lor utensile sur le spatula. Alteres, plus indolente, se installava confortabilemente sur le odorante feno.","t07-c2-04-1":"4. — Passante illes face un amical saluto al **jardinero** (16) occupate in le **verdiero** (13) a taliar le **arbores fructifere** e graffar le **pirieros** (14) . Le **prunieros** (15) comencia a florer, e, in le **jardin de legumines** (17) ben fertilisate, le legumines, caules e salatas ja sta ben.","t07-c2-04-2":"Sur le mureto, un belle **pavon** (18) disploia su cauda, pro facer admirar su plumas belle.","t07-tit-7":"Corte de ferma.","t07-c2-05-1":"5. — Le portas del **stabulo** (19) es aperte e on vide le mangiatoria e le **lecto de palea** (23) del **cavalla** (21) que le **palafrenero** (20) justo disattelava. Le **pullo de cavallo** (22) tanto comic con su longe gambas, seque su matre saltettante.","t07-c2-06-1":"6. — Presso le **puteo** (29) le **vaccas** (25) va biber in le **gaveta** (26) de ligno que les servi como abiberatorio. Le **vitello** (24) profita le occasion pro suger, e le **tauro** (27) flairante le bon odor del feniera, mugi gaimente e leva fiermente le capite con **cornos** (28) potente.","t07-c2-07-1":"7. — Totes labora. Le **servitrice** (32) tene in le mano le **corda** (31) del puteo. Illa hauri aqua con un **situla** (30) pro abiberar le bestial. Presso le **granario** (33) , un homine rastra le paleas e ante le porta del **casa** (34) un vetule **filatrice** (35) con su rota de filar e su **conucula**, fila le **lino** o le **cannabe** como in le tempores ancian.","t07-tit-8":"Le fermero.","t07-c2-08-1":"8. — Le **fermero** (36) dirige tote iste labores e da instructiones a su servitores. Ille recommenda mitter sub le tecto le **herpica** (40) e le **picco** (39) que on oblidava presso le **cabana** (38) del **can** (37) .","t07-c2-09-1":"9. — Su critos espaventa un **columba** (41) , que a tote alas vola in le **columbario** (42) , e le **gallinas** (43) qui hasta reentrar le **gallinario** (44) .","t07-c2-10-1":"10. — Ante le **ovil** (48) , ecce le vetule **pastor** (45) qui reconduce su **grege** de oves (49) . Tenente su **baston** de pastor (46) , que nunquam le manca, como su **blusa** (47) discolorate, ille conduce al stabulo **arietes** (50) , **oves** (53) , **agnos** (54) , **capras** (51) e **capretos** (52) . Su fidel **can** (55) Argos veni le ultime e incita per su latratos le diligentia del retardatarios.","t07-c2-11-1":"11. — Tote iste ruito e movimento non turba le quietude del bon **vacca lactifere** (56) qui face tintinnar su **campanetta** (57) , durante que on la mulge ante le porta del **stabulo** (58) .","t07-c2-12-1":"12. Illa pare comprender, que illa debe dar su lacte, pro que le **fermera** (60) pote preparar **butyro** in le **butyriera** (61) o le excellente **caseos** (64) , que gutta del tabuletta ponite sur le **cuva** (63) .","t07-c2-13-1":"13. — Tote le **lacteria** (59) es mantenite multo nette per le **servitor de ferma** (65) qui justo lavava le **pottos a lacte** (62) in le grande situla que ille porta con le mano.","t07-tit-9":"Le corte de aves.","t07-c2-14-1":"14. — Con su spisse sabots de ligno, ille marcha un pauco pesantemente, e assi face fugir le **gallo de India** (68) , le **anates femina** (66) , le **anates mascule** (67) e le **ansores** (69) qui large aperi **lor becco** (70) e crita inquiete.","t07-c2-14-2":"Le **gallo** (71) , plus battaliose, erige su rubie **cresta** (72) , succute le plumas de su **cauda** (73) e face audir un « cocorico » sonorose.","t07-c2-15-1":"15. — Un **gallina matre** (74) rapina sur le **fumo** (81) con su **parve pullos** (75) . Le **porchetto** (78) fugi verso su matre, le enorme **porca** (77) que nos vide presso le porchiera.","t07-c2-16-1":"16. — In lor compartimentos, le **conilios** (79) mangia avidemente le delicate **herba** (80) que les apporta le filia del fermero. Johannetta ama multo su conilios e, cata die, post haber cercate le fresc **ovos** (76) in le gallinario, illa veni visitar su parve amicos.","t08-apar-1":"TABELLA N o 8 *Prime scena.* Le recolta (*) . — Le aspectos del campania.","t08-c1-01-1":"1. — Con le **estate**, un vice ancora cambiava le aspecto del campania. Le semine confidite al sulco germinava; un verde planta exiva del solo e spiciava. Le grano se formava, postea illo maturava e mesmo de ora on ha besonio solmente de recoltar.","t08-c1-02-1":"2. — Le **flores del campania** es aperte. **Centaureas** (1) , **parve papaveres** (2) e **digitales** (3) misce al uniforme nuance del campos de tritico le gai contrasto de lor fresc **corollas**.","t08-c1-03-1":"3. — Le arbores fructifere se guarniva de folios; le fructo maturava. Le parve **ceresiero** (4) abunda de belle **ceresias** (5) que le pueros collige e mangia con grande placer.","t08-c1-04-1":"4. — De ora le bestial pote passar tote le die in le aere libere.","t08-c1-04-2":"Le **agnos** (6) cresceva e deveniva belle **oves** (7) e belle **arietes** (8) con un dense vello. Illos tranquillemente pastura le **herba** del **pastura** (9) variegate de **margaritas**.","t08-c1-04-3":"Tosto on comenciara tonder iste bestias pro haber lor **lana** del qual on fabrica le drappo de nostre vestimentos.","t08-tit-2":"Le pastor.","t08-c1-05-1":"5. — Le **pastor** (10) pare non prestar les multe attention. Ille se cura solmente del tempesta que passa al horizonte, e le **guarda de oves** (13) , qui approxima un **cucurbita** (14) a su labios pare mesmo plus insouciante.","t08-c1-06-1":"6. — Le calor es opprimente; proque le **can** (15) veni, ille anque, dissitir se; ille lambe le fresc aqua del **rivetto** (16) e espaventa un povre **parve rana** (17) que se habeva tapite in le herbas del ripa. Iste salta in le clar aqua ubi flore le **nymphaeas** (18) .","t08-c1-07-1":"7. — Un **motacilla** (19) se bania presso le **fontanetta** (20) que sparge inter duo rocas e se cela sub le **arbustos spinose** (21) e le **arbustos de crataego** (22) .","t08-tit-3":"Le recolta.","t08-c1-08-1":"8. — Pro le pueros del campania, le recolta del tritico es un epocha multo amusante. Illes gaimente face **capriolas** (24) sur le **amassos de palea** (23) , illes adjuta le **recoltatores** (26) e durante que istes falca le **campo de tritico** (27) con lor **falces** (25) ben acutiate per le **petra a acutiar** (30) , illes collige le tritico e lo liga como **garbas** (31) o como **parve fasces** (32) .","t08-c1-09-1":"9. — Alcun vices on permitte al plus grandes inter illes secar con un **falcetta** (12) le **stipites auree** (28) qui porta le pesante **spicas** (29) plen de granos; e le parves, surveliante le **bestial** (33) que pastura in le **pastura** (34) sub le umbra del grande **tilia** (35) captura con lor **rete** (36) le belle **papiliones**.","t08-c1-09-2":"Mesmo alcunes ascende sur le **carretta** (37) pro ordinar le garbas que on les passa con un **furca** (38) .","t08-c1-10-1":"10. — Sur tote le **planitia** (39) ubi comencia volar le **alaudas** (41) regna le animation. Totes es occupate del recolta. Ma, durante que le povres continua usar le ancian instrumentos, **falces, falcettas** e **flagellos** (40) , le ric proprietarios face falcar lor tritico o lor **secale** (43) per un **machina a falcar** (42) . Postea, non habente besonio de portar le garbas in le granario, on face grande **amassos de garbas** (44) .","t08-c1-11-1":"11. — Alora on apporta un **machina a batter** (47) que un **locomobile** (45) move per un **corregia de transmission** (46) e assi le grano se separa del **palea**, sin lassar le campo ubi illo esseva seminate.","t08-tit-4":"Le tempesta.","t08-c1-12-1":"12. — Sovente grande **tempestas** (53) occurre, durante le tempore del recolta. Primo le rumores del **tonitro** es audite de lontano; un **vento forte del west** (54) comencia sufflar e anhelante curva le plus grosse arbores del **bosco** (49) . Nigre **nubes** (56) assalta le celo; illos es traversate per zigzags fulgurante del **fulmine** (55) . Le **pluvia** e alcun vices le **grandine** comencia cader, applattante le recoltas prompte a esser falcate.","t08-c1-13-1":"13. — Sovente le fulmine incendia un construction. Assi le anno passate le tecto del **molino a vento** (50) esseva reducite a cineres e duo de su **alas** (51) fracassate.","t08-c1-14-1":"14. — Post alcun horas, le calma renasce. Un brillante **arco-in-celo** (52) appare al horizonte e le natura reprende su vita interrumpite durante alcun momentos. Le campanios, qui se refugiava in le **cabanas** (48) recomencia laborar e con corage se effortia reparar le damnos que illes justo suffreva.","t08-tit-5":"*Secunde scena.*","t08-tit-6":"Le chassa. — Le vindemia. — Le pisca.","t08-c2-01-1":"1. — Circa le fin de **augusto** o le medio de **septembre**, secundo le regiones, ha loco le apertura del chassa. A pena le prime radios del sol faceva exir le **lacertas** (2) de lor foramine, quando le **chassator** (5) se mitte in cammino con su **canes** (4) .","t08-c2-02-1":"2. — Ille poneva su solide **costume de chassa** (9) de spisse drappo, se calceava de **gambieras** de corio, con le quales ille succedera marchar in le humide herba ubi se cela le **bufones** (1) ; ille prendeva su **fusil** (6) e su **sacco de chassa** (10) , e ecce que ille parti.","t08-c2-03-1":"3. — Le fervor del persecution le conduce in le medio de un vinia ubi le vindemia es multo vivace. Le pueros del vinicultor, qui ordinarimente survelia le capras sur le via, hodie los lassa pasturar al hasardo, e post haber ligate a un palo un vetule **capro** (3) qui non mancarea profitar su libertate pro escappar, illes, a lor vice, se attribue un participation in le placer. Un sasi un racemo in un **corbe de recolta** (12) e se amusa a facer fluer le **succo** (14) in un cuppetta (13) pro fabricar musto (vino non fermentate). Un altere se coiffa de un **corona de folios** (15) que ille justo plecteva. Presso illes, impudente **passeres** (16) veni mesmo ante le pressa pro rapinar le uvas.","t08-c2-04-1":"4. — Durante que le pueros se amusa, le homines labora. Le **vindemiatores** (18) apporta le uvas in le cellario per **corbes de dorso** (17) ; un **barrilero** (19) repara le **barriles** (20) , verifica si le **doelas** (22) e le **fundos** (21) es in bon stato, e reimplacia le **cerclos** (23) rumpite. Ille anque laborava le **cuvas** (25) in le quales on versa le **uvas** (26) pro facer los fermentar.","t08-c2-05-1":"5. — Quando le fermentation finiva, on hauri le vino e on pone le residuo sur le **pressa** (28) e progressivemente serrante per le **grande vite** (29) on exprime le succo que flue in un **cuvetta** (32) e ancora on obtene **vino** (31) .","t08-tit-8":"Bira e cidra.","t08-c2-06-1":"6. — Al muro del **cellario** (27) ascende un branca de **lupulo** (30) . Illac illo es solmente un planta ornamental, ma in alcun paises, ubi le vite es multo rar, le lupulo es cultivate pro fabricar le **bira**.","t08-c2-07-1":"7. — Le parve **pomiero** (33) es cargate de pomos qui producera quando illos essera matur, un excellente **cidra**. In su **cagia** (34) le **canario** (35) e le **carduelo** (36) reguarda con oculos invidiose le passeres qui liberemente petula.","t08-c2-08-1":"8. — Usque le limite del vista, sur le declivo del collinas, es aliniate **palos de vite** (40) qui supporta le belle **truncos de vite** (39) , guarnite de **racemos** pesante.","t08-c2-08-2":"Durante tote le anno, le **vinicultor** (42) laborava pro curar su **vinia** (38) e ora ille es recompensate pro su pena per un belle recolta. Le **vindemiatrices** (41) plena le cuvas ponite sur le carretta tirate per **mulas** (43) , e totes es gaudiose.","t08-tit-9":"Le pisca.","t08-c2-09-1":"9. — Le mesmo es le caso del **piscatores a linea** (44) qui del matino, veniva installar se al ripa del aqua con lor **cannas de pisca** (45) .","t08-c2-09-2":"Le **pisces** (47) morde le **hamo** tosto que illes plongia lor **filo** (46) in le aqua, e a pena illes habeva le tempore pro renovar le **esca**, quando un nove victima se agita al extremitate del filo.","t08-c2-09-3":"Tamen le **piscator a rete** (48) qui, de su **barca** (49) , jecta le **rete** in le medio del **riviera** (50) captura plus multe pisces.","t08-c2-10-1":"10. — Le autumno es le saison del bon promenadas: a pede, a **cavallo** (52) , in **bicycletta** (53) , in **automobile** (54) . Le **vias** (51) es nette e on profita le ultime belle dies, proque ecce que ja le **hirundines** (56) se reuni sur le tectos pro volar a tote alas verso paises plus calide. Le foliage del vetule **nuciero** (57) deveni jalne, le **nuces** cade e le alte **arbores** disponite in gruppo como un **bosquetto** (58) sur le **altura** (59) tosto perdera lor folios.","t08-c2-11-1":"11. — Le **sol** (60) se leva plus tarde, le dies decresce, un frescor satis pungente comencia esser sentite, al **matino**, e ecce que ja volos de **scolopaces** (61) lassa nostre climas inhospital.","t09-apar-1":"TABELLA N o 9","t09-tit-1":"*Prime scena.*","t09-tit-2":"Le montania. — Le citate de aquas.","t09-c1-01-1":"1. — De octo dies io es in Prats. Io non pote exprimer tote le admiration que io sentiva quando io esseva ante le meraviliose **catena de montanias** (1) del Pyreneos del qual le **cresta** (2) appare sur le blau celo como un gigantesc festone.","t09-c1-02-1":"2. — Io non imaginava, que le **summitates** pyrenee (3) attinge un **altitude** tanto grande, e io restava stupefacte ante le belle **glaciares** (5) e le **picos** (4) nivose sur le quales rola tanto terribile **avalanchas**.","t09-tit-3":"Paisage de montania.","t09-c1-03-1":"3. — Ja le die post mi arrivata, io iva al vetule **vulcano** (6) extincte que es presso Prats. Sur le bordos aride e nudate del **crater**, on vide ancora ben le tracias del passage del **lava** que flueva, plure seculos ante ora, sur le **flanco del montania** (7) . Io succedeva trovar, sur un del **declivos**, alcun fragmentos de ille lava.","t09-c1-04-1":"4. — Prats es situate sur le frontiera, e le **fortalessa** (8) que defende le **gorga** (27) que separa Francia de Espania rememora completemente ille vetule castellos del ripa del Rheno qui pare guattar un **preda** del summitate de lor roca.","t09-c1-05-1":"5. — Un enorme **aquila** (9) qui ha su nido non lontano del **forte** (8) sovente attrahe mi attention. Iste **ave rapace**, del qual le **becco** es forte, sovente apporta a su pullos un agno o un capreto que illo tene per su **ungues**. Tanto es le grandor de su **alas** que illo pote longemente planar con su pesante carga.","t09-tit-4":"Le excursionista.","t09-c1-06-1":"6. — Illac le plus agradabile promenada es le excursion al cascada (10) de « Cau ». Le **cadita de aqua** cade in turbines e postea dispare como un belle **rivetto** in un **bosco de abietes** (11) situate al west del citate. Nos ascendeva tra iste bosco usque le **observatorio meteorologic** (12) e del summitate del **belvedere**, nos percipeva tote le **panorama** del region. Le **paisage** es meraviliose, e le **natura** pare prodigar al pais tote le tresores del quales illo dispone.","t09-c1-07-1":"7. — Pro descender, nos usava le **funicular** (13) e nos haltava in un parve **station** presso le **ruinas** (14) de un vetule **castello feudal** olim habitate per le seniores de Prats.","t09-c1-08-1":"8. — Povre castello! Que pensa illo probabilemente vidente in basso le coquette **citate de aquas** (15) que ora es un **station thermal** de moda?","t09-c1-08-2":"Le **clima** es tanto agradabile, le **aqua mineral** tanto efficace, que le **cura** usate in le **sanatorio** (17) es un ver placer.","t09-tit-5":"Agradabile citate thermal.","t09-c1-09-1":"9. — Del resto, on faceva toto pro render agradabile le sojorno. Un grande **viaducto** (16) esseva construite pro permitter un ferrovia; le **parco** (18) del **establimento thermal**, in le qual on da **concertos**, es arrangiate in un maniera incantatori. Plure gratiose « **villas** » (19) esseva construite circa le casino (21) , e un **chaussée** (22) multo ben mantenite grandemente facilita le communicationes.","t09-c1-10-1":"10. — Un simple **taluto** (23) separa le via (20) del **valle** (25) proprie dicte, e in le fundo del qual jace un gratiose parve **laco** (26) que alimenta un **rivetto** (24) limpide.","t09-c1-11-1":"11. — Al altere latere del valle, un **mina de ferro** (28) es exploitate. Plure vices io iva vider le **mineros** descendente in le **puteo**, e mesmo io entrava le **galeria** in le qual illes passa lor die, extrahente le **mineral** que contine le **metallo**.","t09-c1-12-1":"12. — Un importante **fonderia** esseva construite presso le mina pro utilisar immediatemente le ricchessas que on extrahe de illo. Le **alte furno** (29) , calefacite per le **carbon de terra** que abunda hic, permitte obtener rapidemente e a bon mercato le **ferro fundite**.","t09-c1-13-1":"13. — Non lontano del mina on excava un **petreria** (30) . Ni **granito**, ni **porphyro**, ni mesmo **gres** le vetule **petrero** talia con su **picco**, ma simple **petras de talia** pro le construction de casas.","t09-c1-14-1":"14. — Un del plus belle ornamentos de iste pais es le **abietes** (31) . Ubique in le fundo de un **ravina** (32) , sur le ripa de un **torrente** (33) , de un **abysmo** (34) o de un precipitio, lor tenue acos nuancia in verde.","t09-tit-6":"Marcha a pede.","t09-c1-15-1":"15. — Io profita mi vacantias pro promenar **longemente**. Le **vias** (35) qui serpenta sur le montania permitte percurrer, sin reguardar le distantia, plure **kilometros** e sovente plure **myriametros**.","t09-c1-15-2":"**Petras de limite** (36) e **postos indicator** (37) marca le vias sur le quales sovente on incontra un juvene **montaniero** (38) con un **bisacco** (40) a su flanco, portante un **marmotta** (39) , o alcun **gitano** (41) del qual le **toque de pelle** (42) contrasta estranimente con le vetule **capuce** (43) lacerate. Ille conduce per un **catena un urso** (44) dressate.","t09-tit-7":"Ascension de montanias.","t09-c1-16-1":"16. — Quasi cata die io va con un **guida** (48) practicar un **ascension**, e io es multo fer quando, con un **sacco** (47) al dorso, e le « **alpenstock** » in le mano, como un ver **turista** (46) io assalta le **rocas** (45) .","t09-c1-17-1":"17. — Del summitate de un montania, le habitantes del planitia pare non plus grosse que formicas; un **grege de oves** (50) pasturante in un **pastura** (49) pare un ludo pro infantes. Un **pino** (51) o anque un **parve casa de ligno** (52) appare a pena como un macula sur le verdura.","t09-c1-18-1":"18. — Durante iste excursiones, nos sovente incontra sur le **sentiero** (53) un **chassator de chamois** (54) portante sur le spatula le bestia que ille justo occideva.","t09-c1-19-1":"19. — Io poneva in mi herbario un multo remarcabile branca de **filice** (55) e un belle branchetta rosate de **erica** (57) que io colligeva al entrata de un parve **grotta** (56) durante mi ultime promenada.","t09-tit-8":"*Secunde scena.*","t09-tit-9":"Le foreste. — Le chassa.","t09-c2-01-1":"1. — Heri io passava un die deliciose in le foreste. Le diligentia que regna inter le parve animales e le **insectos** (5) per le quales illo es habitate multo me interessava.","t09-c2-01-2":"Le **aranea** (1) qui texe su **tela** (2) inter duo brancas pro capturar le **musca** (3) passante, le **caracol** (4) portante penosemente su concha, le lucano explorante pro su preda, le diligente formica multo zelose presso le **formichiero** (6) , tote iste parvos iva, veniva, laborava con un extraordinari diligentia.","t09-c2-02-1":"2. — Un **serpente** (7) que io a prime vista opinava un **vipera**, ma que non esseva altere cosa que un simple **colubro**, se habeva tapite sub un tronco de arbore, e de tempore a tempore faceva exir su tenue parve capite que sempre pareva preste pro morder. Ante me un grosse **limace** (8) reptava pesantemente post haber devorate un del sapide **fragas** (11) qui cresce abundantemente illac.","t09-c2-03-1":"3. — Le solo esseva tapetate de **flores de bosco**; **primulas** (9) , **pervincas** (10) , e multe altere plantas que io non cognosceva, floreva inter **tufos de herba** (12) .","t09-c2-04-1":"4. — In iste region, le **trufa** es quasi tanto commun como le **fungo** (14) e un **porchetto** (13) appertinente a un forestero, gulosemente explorava si illo succederea trovar alcunes de illos.","t09-tit-10":"Chassa furtive.","t09-c2-05-1":"5. — Io assisteva al **fin** de un scena que multo me amusava. Con le adjuta del olfacto de su **can basset** (15) , le **forestero** (16) justo surprendeva un **chassator furtive** (22) , al momento quando iste se preparava a portar via le **gibier** (17) que ille habeva occidite. Preferente abandonar su preda que lassar se arrestar, le chassator furtive habeva fugite, e un **lepore** (18) , un **cerva** (19) , un **capreolo** (20) e un **apro** (21) jaceva sur le herba allegrante le forestero.","t09-c2-06-1":"6. — Le diversitate del arbores que contine le foreste es stupefaciente. Le **fagos** (23) e le **betulas** (26) , le **pinos**, qui produce le **resina** (27) , le **quercos** (29) e anque multe alteres intermisce lor brancage.","t09-c2-06-2":"Le **hedera** (24) , que adhere al tronco del alte arbores, colora le **silva** (25) de un verdura brillante, que se uni agradabilemente al nuance plus clar e pallidemente verde del **musco** (31) in le qual le **pico verde** (30) cerca insectos.","t09-tit-11":"Paisage de foreste.","t09-c2-07-1":"7. — Le vetule quercos me incantava. Lor grosse **radices** (32) torte, medio exite del solo, les da un splendide aspecto de fortia e vigor, e io me demanda como le **proprietario** (35) pote resignar se a facer los abatter e livrar los al **serra** (34) del **buchero** (33) . Le povre **truncos** (36) , private de lor **cortice** (37) o findite per le **hacha** (38) del **obrero a jornata** (39) me attrista.","t09-c2-08-1":"8. — Presso, un vetule **carbonero** (41) preparava con su **pala un amasso** (42) de carbon, e un ancian portava un **fasce** (40) de **ligno morte** de brancas del arbores abattite.","t09-tit-12":"Chassa.","t09-c2-09-1":"9. — Io voleva ir pro reposar durante alcun momentos in le **casa del forestero** (46) ma, quando io arrivava presso le **parve laco** (43) , sur le qual nata un belle **cygno** (45) , io remarcava, que un recente **inundation** (44) habeva cambiate le via in un ver **palude**. Io debeva deviar me, e, passante presso le **cedro** (49) , le **poplos** (48) , e le **ulmo** (47) qui es al bordo del foreste, io videva emerger de un **copse** (54) un belle **cervo** (50) , persequite per un obstinate **muta de canes** (51) que excitava anque le **corno** (53) del **chassatores a cavallo** (52) . Le povre bestia esseva toto exhauste. Illo veniva morente cader a alcun passos presso me.","t09-c2-10-1":"10. — Le filio del forestero, que le ruito del **chassa a curso** habeva attrahite, exiva del casa e nos duo retornava in le foreste. Ille habeva vidite un **pica** (56) sur un branca de un vetule querco. Ille opinava, que su nido probabilemente es celate in le **foliage** (58) e ille voleva capturar le nido.","t09-c2-10-2":"Agile como un **skiuro** (61) , ille ascendeva de **branca** (55) a branca, ma ille trovava nihil e succedeva solmente facer volar un vetule **cornice** (60) posate sur un **grande branca** (57) .","t10-apar-1":"TABELLA N o 10 Le mar. — Le porto.","t10-01-1":"1. — In estate, durante que unes cerca calma e frescor sur un montania, alteres prefere ir al litore. Assi nos faceva le anno passate, proque nos ama multo le **Oceano** (1) .","t10-02-1":"2. — Quanto a me, io senti un grande placer contemplante iste immense extension de aqua que se extende usque le **horizonte** (2) , e vidente partir pro un longe **traversata** le enorme **naves a vapor** (3) sur le quales imbarca le viageros qui va in America.","t10-03-1":"3. — Pro isto, mi patre, qui cognosce mi inclination, sempre elige, pro passar le vacantias, un plagia multo calme, situate presso un de nostre grande **portos militar**.","t10-03-2":"Durante nostre ultime sojorno, le **esquadra** veniva ancorar detra le enorme **dica** (4) que claude e protege le **porto militar** (5) , e io succedeva secundo mi desiro admirar le diverse **naves de guerra**, le parve **submarino** (10) que plongia e dispare sub le aquas e anque le enorme **cuirassato** (9) que, usque ora timeva quasi solmente le attaccos del **torpedinero** (8) .","t10-tit-2":"Le parve naves.","t10-04-1":"4. — Iste ultime ja sapeva multo **habilemente** trovar le puncto debile del spisse cuirasse de metallo pro fixar illac le periculose **torpedine**, del qual le explosion causa le perdita del nave, ma tamen illo esseva minus timibile que le submarino, proque le contratorpedineros le persequeva facilemente.","t10-05-1":"5. — Io anque poteva vider le rapide **crucciatores** (6) cuirassate, quasi tanto invulnerabile como le ver cuirassato, plure **naves de transporto** (12) tres o quatro **cannoneras** (7) e finalmente un **fregata** (11) . **Le spectaculo de iste flotta, quando illo manovra pro levar le ancoras es le plus interessante.**","t10-06-1":"6. — Quante differentia de construction inter iste grande massas de aciero e le elegante **tres-mastes** o le gratiose **naves a vela** (13) ancora ora usate in le flotta commercial que io videva entrar le porto, a tote velas, quando io promenava sur le **quai** (14) . In ver istes perdeva multo de lor avantages **quando** le **vento** esseva contrari. Illos debeva calar tote lor velas pro reentrar le bassino e un **remorcator** (16) esseva necessari pro cercar los e conducer los, como simple **chalanas** (17) , al quai.","t10-tit-3":"Le porto commercial.","t10-07-1":"7. — Lo que es interessante in le porto del qual io parla, es que illo contine non solmente un porto militar, artificialmente arrangiate per gigantesc labores, ma anque un meraviliose **porto commercial** situate in le **estuario** de un grande fluvio.","t10-08-1":"8. — Le lingua de terra que separa le duo bassinos es fortificate e defendite per un serie de **batterias** e **bastiones** qui avantia sur le mar. On ha besonio de un permission special pro promenar sur le **remparos** (15) . Io lo obteneva facilemente, per mi oncle, qui es ingeniero del **cantieres** (18) e io iva visitar le naves que on construe sub vaste hangares.","t10-09-1":"9. — Mesmo io assisteva al lanceamento de un cuirassato e io memora le emotionante momento que tote le turba sentiva quando le grandissime massa, abandonate a se mesme, comenciava glissar sur su quadro similante un cuna e veniva flottar sur le aqua del fluvio.","t10-10-1":"10. — Pro ir al cantieres, on transversa le **campo de manovras** (19) ubi le soldatos del guarnition cata die veni exercer se, on passa sur un **ponticello** (20) de ferro, que communica le esplanada de parada con le **arsenal** (21) .","t10-tit-4":"Le arsenal e le dockos.","t10-11-1":"11. — Con mi oncle, io visitava iste grande construction plen de **cannones** (22) , **ballas** (23) e **obuses**. Anque io videva le **fabrica de metallo** (24) in le qual es fabricate le **caldieras** (25) del naves a vapor.","t10-12-1":"12. — Multo presso, il ha le **dockos** (26) — dockos de reparation — e le multo remarcabile **dockos flottante** (27) in le quales io poteva vider multo de presso, sur un nave a reparar, le **helice** (28) , le **quilia** (29) e le **timon** (30) de un barca.","t10-13-1":"13. — Le porto commercial es tote tanto digne de studio como le porto militar, e io passava multe horas admirante sur le quais ubi es amarrate le **naves a rotas** (31) qui remonta le fluvio, e reguardante functionar le **gruas a mast** (32) , qui leva, como plumas, enorme cargas.","t10-tit-5":"Le piloto.","t10-14-1":"14. — Io admirava le **transatlanticos** (34) exiente del rada, con lor **bandieras** (35) in plen aere, conducte per un habile **piloto** (36) qui meraviliosemente sape sequer le **canaletto** marcate per **boias** (40) e **balisas**, evitante le **gabarras** (41) qui penosemente se dirige per lor unic vela quadrate. Io distingueva sur le **parte anterior** (37) — le prora — le **cabinas** (39) del secunde classe, e sur le **parte posterior** (38) — le puppa — le salones pro le passageros del prime classe.","t10-15-1":"15. — Alcun vices io anque assisteva al cargamento de un **chalana** (42) in le qual justo esseva amassate le mercantias del **magazin** (43) e del **station maritime** (44) , apportate per le numerose trainos del **linea del quai** (45) .","t10-tit-6":"Le placer del remos.","t10-16-1":"16. — Sovente io canotava in le **docko a flottation** (53) , in le qual veni refugiar se le **barcas** (46) , e il esseva un gaudio pro me manovrar le **remo** (47) . Io ascendeva sur le **ponte** (48) de un **barca a vela** (49) , io ascendeva, per **cordages** (52) , sur le **mast** (51) usque le **antennas** (50) , postea io repeteva mi promenada **in un yole** (54) inter pesante **barcas de pisca** (55) , ubi le **retes** (56) se sicca.","t10-17-1":"17. — Sur le **quai** (58) defilava ante me le plus diverse **mercantias** (59) , contenite in **cassas** (60) o in **grande pacchettos** (61) . Illos formava le **carga** (63) del **barcassas**, e potente **gruas** (62) los levava e los deponeva sur **camiones** (64) durante que le **carrettatores** los declarava e pagava le taxas in le **dogana** (65) .","t10-18-1":"18. — Finalmente, quando io arrivava al **ponte giratori** (66) o al **esclusa** (69) , passante ante le **machina a dragar** (68) que netta le **canal** (67) , io disbarcava sur le quai presso le **semaphoro** (70) .","t10-19-1":"19. — Al altere latere de iste quai ja veni abordar le **chalupas** (71) qui conduce a terra le officieros del esquadra. Il es un admirabile spectaculo vider le marineros levar in cadentia lor remos, durante que le barca portate per le **unda** (72) , facilemente aborda le scala del disbarcatorio. Sur iste loco, on pote melio observar le **marea** e le movimento del **fluxo** e **refluxo** sur le **plagia** (73) .","t10-tit-7":"Le club.","t10-20-1":"20. — Pro retornar a casa, io usava le **tramvia electric** (74) del qual le **halto** (75) es presso le **posto** ponite ante le club del officieros.","t10-20-2":"De sur le **balcon** (76) del club, ornate de **ancoras** (77) , cannones e ballas, sovente io videva un splendide reunion de officieros de marina: **locotenentes** (78) , con lor spada, **capitanos de artilleria** (79) e de **infanteria** (80) con lor **sabla**. Detra illes il habeva un **marinero** (81) qui les apportava un **telescopio**, quando illes voleva distinguer lo que occurre lontano.","t10-21-1":"21. — Io anque videva juvene **sub-locotenentes** (82) recipiente le instructiones de lor **commandante** (83) o del **admiral** (84) , durante que un **quartiero-mastro** (85) attendeva pro portar los al nave.","t10-22-1":"22. — De iste balcon, le vista es splendide: on domina tote le plagia con su **tentas** (86) e **cabinas** (87) , e on vide, al hora del banio, le **baniatores** (88) qui gaimente petula ante le **casino** (89) .","t10-23-1":"23. — Al extremitate del plagia, le litore forma un parve **peninsula** (91) **rocose**, ubi le **grande unda** (92) veni rumper se e sur le qual es construite un **pharo** (93) , indicante de nocte le via al navigantes. Iste peninsula communica con le terra solmente per un **isthmo** multo stricte (90) .","t10-tit-8":"Vista general del litores.","t10-24-1":"24. — Le **scarpamento** (94) se extende, findite per le mar, que capriciosemente designa in illo un serie de **bahias** (95) e **promontorios** (capos), rendente lo multo pittoresc.","t10-24-2":"Sur le **plateau** (96) , que domina le **stricto (de mar)** (98) , il ha un **forte** (97) multo importante e alcun « villas ».","t10-25-1":"25. — Iste stricto separa del continente un **insula** (99) multo periculose, circumferite de **scolios** (100) e **rumpe-undas**, ubi barcas e mesmo grande naves naufraga alcun vices. Malgrado le promptitude del succursos, e le rapide arrivata del **barcas de salvamento**, iste **naufragios** es terribile, e, durante le **tempestas** equinoctial, plure naves pereva con homines e mercantias.","t10-25-2":"Malgrado iste vicinitate, **le porto** es multo frequentate per le marineros.","t11-apar-1":"TERTIE SERIE TABELLA N o 11 Le citate e su monumentos. — Le incendio.","t11-tit-1":"Le suburbio.","t11-c1-01-1":"1. — Io habita un grande citate situate a 100 kilometros del Oceano, e que tamen es un **porto** (1) de prime rango. Le fluvio que lo borda ha un largor de 400 metros e forma un multo belle rada.","t11-c1-02-1":"2. — Tote le parte del citate que es sur le **quais** (2) ha un aspecto completemente maritime e industrial, e forma un **suburbio** (3) que es habitate solmente per marineros e obreros. Istes labora in le **fabricas** (4) e in le **gasometreria** (5) del qual le alte **camino** (6) e le **gasometro** se vide de multo lontano.","t11-c1-03-1":"3. — In le medievo, le citate esseva fortificate, e on ancora trova alcun restos de su remparos, particularmente le **porta** (8) del vetule **castello fortificate** (7) flancate per su duo **turres** (9) qui ora servi como **prision**.","t11-c1-04-1":"4. — In tote iste **quartiero**, que pare multo vetule, solmente un construction es relativemente moderne: illo es le **dogana** (10) . Illo es situate inter le quai e le **parve strata** (11) que conduce al vetule **casa communal** (12) . On recognosce facilemente iste ultime monumento per le **campanario** (13) gigantesc que domina le antique citate.","t11-c1-05-1":"5. — Al altere latere del strata, **sta** un edificio construite in le mesme stilo que le dogana: illo es le **Bursa** (14) . Un de su facades reguarda un parve placia ubi il ha le **prefectura** (15) . In facto, nostre citate sin esser un capital, es tamen un importante capital de departimento.","t11-tit-2":"Le parte le plus alte del citate.","t11-c1-06-1":"6. — Le guarnition, satis numerose, es alogiate in vaste **casernas** (16) multo salubre; illos se extende usque le grillia del **parco communal** (17) . Le **boulevard** (19) que conduce a iste parco passa detra le **cassa de sparnio** (18) e fini al placia del **cathedral** (20) .","t11-c1-07-1":"7. — Tote iste monumentos se extende in amphitheatro sur un collina ubi il ha anque nostre vaste **lyceo** (21) .","t11-c1-07-2":"Si on descende per un via un pauco inclinate, que se junge al Grande strata, on arriva al **Tribunal** (22) ante le qual se extende un agradabile **jardin public** (26) . Iste **placia a jardin** non es multo grande, ma illo face in le medio del citate un oasis de verdura e frescor. Pro isto illo es multo frequentate per le citatanos qui ama venir seder sub le tenta del **caffe** (25) , pro ascoltar le musicos soldatesc qui le jovedi e le dominica joca in le **kiosque** (27) ponite inter le prattos e massivos.","t11-c1-08-1":"8. — Sur un de iste prattos sta un **statua** (28) de bronzo, un monumento erigite pro le memoria de un de nostre concitatanos, qui faceva grande servicios a su citate natal.","t11-tit-3":"Le medios de transporto.","t11-c1-09-1":"9. — Usque ora nostre citate non es ancora illuminate per le lumine electric, illo ha solmente **beccos de gas** (29) . Ma le **jornales local** face un campania pro que iste systema de illumination sia meliorate, **como** on ja perfectionava **le systema de traction del** tramvias. Le vetule vehiculos, **tirate** per **cavallos**, esseva practicamente reimplaciate per **tramvias electric** (31) qui rapidemente transporta le viageros de un extremitate del **citate al altere**, a un precio multo **basse**.","t11-c1-10-1":"10. — Presso le Palatio de Justitia il ha le **Banca** (32) ubi on disconta le valores commercial. Le **empleatos del banca** (33) va incassar a domicilio le debitas.","t11-tit-4":"Arte e instruction.","t11-c1-11-1":"11. — Le belle edificio que sta presso, es le **museo**. Illo contine insimul le **bibliotheca** (34) del citate, le belle **collectiones de scientia natural** (35) (Museo de historia natural) e un gratiose **museo de picturas** (36) que constitue un splendide **exposition** permanente.","t11-c1-11-2":"Illo se aperi pro le publico duo vices cata septimana, ma le estranieros pote visitar lo omne die pro un gratification al **guardiano** (37) . Le **pictores** (38) veni illac pro laborar. On les vide **ante** lor cavalletto, con un **paletta** in le mano, copiante le famose picturas.","t11-c1-12-1":"12. — Sur le altura, detra le museo, on comencia a vider le **cupola** (40) del **hospital** (39) e le constructiones del **schola normal** (41) in le qual esseva formate le maestros de nostre scholas communal. Sur le placia del Theatro il ha un **officio postal** (43) installate in un **casa private** (42) .","t11-tit-5":"Le incendio.","t11-tit-6":"Crito de incendio.","t11-c2-01-1":"1. — Un terribile rumor se diffunde tra le citate: un incendio justo occurreva in le theatro! Al momento quando io arriva sur le **placia** (96) , ja le turba es reunite sur le **trottoir** (46) e sur le **chaussée** (47) . Le **empleatos postal** (44) e le **portatores de litteras** (45) exi del officio postal. Un **conductor de tram** (48) debeva haltar su (tram)vehiculo pro lassar passar un **vehiculo de ambulantia** (50) municipal, que arriva con un **chirurgo** (52) e un **infirmero** (51) pro curar un **ferito** (53) apportate per un **brancarda** (54) presso le **kiosque de jornales** (55) .","t11-c2-02-1":"2. — Un compania de infanteria, que retornava del exercitios, haltava pro assecurar le servicio del ordine con le **gendarmes municipal a cavallo** (61) . **Le cavalleros**, del quales le cavallos se cabra, melio que le **soldatos** (57) o le **gendarmes** (63) , face retroceder le **curiosos** (56) . Del resto le gendarmes es multo occupate. Un de illes indica al **policieros** (64) ubi on debe transportar un altere **accidentato** (65) , un pumpero corageose cadite de un scala.","t11-c2-03-1":"3. — **Le officiero** (66) precisa le loco ubi on debe poner le **pumpa a vapor** (67) arrivante. Attendente iste potente machina, ille installava in batteria un **pumpa a mano** (68) del qual le longe **tubo** (69) lancea aqua como un torrente sur le foco. Sex pumperos lo manovra, durante que lor camerada, qui tene le **lancea** (70) , dirige le **jecto** (71) al centro del incendio.","t11-c2-04-1":"4. — Al altere latere del theatro, on appoiava le grande **scala** (72) . Illo permitte al pumperos approchar se al flammas qui sparge inter turbines de nigre **fumo** (75) .","t11-tit-7":"Actos de bravura.","t11-c2-05-1":"5. — **Le incendio** (74) nasceva in le foyer del **theatro** (73) , durante que on repeteva **le opera** del qual le prime **representation** haberea habite loco deman. Felicemente solmente pauc **spectatores** (76) esseva in le sala. Le povres se refugiava sur le **balcon** (77) ubi corageose **pumperos** (86) veni succurrer les per scalas e cordages.","t11-c2-06-1":"6. — Sub le **peristylo** (78) , ubi le **affiche** (79) informa super le representation, on vide le **musicos** (81) del **orchestra** (80) fugir, portante lor instrumentos: **violino** (81) , **flauta** (82) , **violoncello** (83) , **trombon** (84) , **tambur** (85) , etc.. On se effortia salvar un parte del **mobiliario** (87) .","t11-c2-07-1":"7. — **Le actores** (89) e **le actrices** (88) , **cantatores** e **cantatrices** debeva fugir con lor **costume** theatral (90) . Le tenor explica a un **jornalista** (92) como isto occurreva. **Le reportero** accurreva tosto del prime momento con le autoritates: **prefecto** (91) , **maire** (93) , **commissario de policia** (94) e **officiero de justitia** (95) , qui inquestara pro judicar super le responsabilitates.","t12-apar-1":"TABELLA N o 12 Le station. — Le ferrovias. — Le naves. Nota. — *Le horarios usate in cata nation es diverse, nos dunque usa como exemplo le horas del* **tabella francese.**","t12-01-1":"1. — Io justo viagiava tra Germania. Ante le partita, io comprava un **indicator** (15) pro saper le hora de partita del trainos. Post constatar que le plus opportun traino va partir de Paris, a novem horas del vespere, e arrivar in Strasbourg a un hora dece-tres minutas, io preparava mi viage, e le die sequente, io me faceva conducer al station.","t12-02-1":"2. — Quando io entrava le grande hall de partita, detra un vetule **sacerdote** (2) rural, qui portava in le mano su **sacco de viage** (3) , multe **viageros** (1) ja habeva arrivate.","t12-02-2":"Proque io voleva inviar un **dispatcho (telegramma)** (5) , io me faceva indicar per un **controlator** (6) **le officio telegraphic** (4) .","t12-03-1":"3. — Ante passar in le **sala de attender** (7) io iva provider me de un **billet** (9) de ir e retorno.","t12-04-1":"4. — Io non attendeva longemente al **guichet** (8) , proque pauc personas esseva illac. Un **soldato** (10) , qui partiva in permission, habeva le complacentia de ceder me su vice, assi que io habeva bastante tempore pro demandar alcun informationes al **chef del station** (13) , qui conversava con le **commissario** (12) del surveliantia e con le **gendarme** (11) de servicio.","t12-tit-1":"Inscription del bagages.","t12-05-1":"5. — Habente comprate un jornal al **bibliotheca** (14) , io faceva pesar mi **bagages** (17) que un **portator** (16) justo habeva apportate per un **carro de pacchettos** (19) ; **le empleato** (22) incargate del **apparato de pesar** (21) me faceva saper, que mi cofro pesa trenta-cinque kilogrammas; isto faceva un **excesso de peso** de cinque kilogrammas; pro le qual io debe un pagamento supplementari, al **guichet** del bagages (23) .","t12-06-1":"6. — Proque io esseva troppo tosto, io habeva tempore libere pro examinar le circulation del viageros in le station. Unes deponeva o reprendeva lor bagages de pauc valor al **deposito (de bagages)** (25) ; alteres consultava le **horarios** (26) . Le viageros arrivante hastava al **exito** (32) con lor **valise** (24) in le mano. Alcunes attendeva in le **distribution (de bagages)** (27) e presentava lor **billet** (29) pro reprender lor cofros, **cassas** (28) o **corbes** (30) .","t12-07-1":"7. — **Le empleatos del accisa** (33) curosemente explorava le pacchettos pro constatar si on ha alco a declarar.","t12-08-1":"8. — Alcun viageros iva al **buffet** (34) , ubi un **garson** (35) se zelava a servir les. Illes debe hastar, proque le **traino** (36) , que es un expresso, non restara longemente in le station.","t12-09-1":"9. — Postea io iva al trottoir de partita e cercava un **vagon** (37) directe pro non esser obligate cambiar de vagon durante le viage. Io ascendeva in un vagon a corridor que contine un **compartimento** (38) pro fumatores e un compartimento reservate pro « damas sol ».","t12-tit-2":"Partita durante le nocte.","t12-10-1":"10. — Post haber ascendite le **scabello** (40) , cludite le **porta** (39) , volvite le **store** (41) e ponite mi parve bagages sur le **rete** (43) , io sedeva sur le **banchetta** (42) . Vidente le **lampista** (44) accender le lampas, io pensava, que io debera passar un nocte in le vagon e io appellava le empleato incargate del location del **cossinos** (45) pro demandar un de illos.","t12-11-1":"11. — Le conductor del traino veniva verificar le billets. Io le questionava proque nos non ja habeva partite, proque il es le hora exacte. Ille me respondeva que le **chef del traino** (46) se occupa de facer poner bicyclettas in le **furgon** (47) . In plus, on non habeva ancora cambiate tote le calefactores de pedes (48) .","t12-12-1":"12. — Ma nos esseva tosto partiente, proque le **fochista** (50) , sur su **tender** (49) prendeva carbon pro excitar le foco del **locomotiva** (54) , e **le machinista** (51) attendeva solmente le signal del **sub-chef del station** (52) , qui esseva sur le **trottoir** (53) .","t12-13-1":"13. — Le **caldiera** (56) del locomotiva grunniva sordemente; le **camino** (55) vomiva torrentes de fumo miscite con **vapor** (60) . Un stridente **sibilo** (59) sonava e le **pistones** (58) comenciava mover se, impellente le **rotas** (57) del pesante machina.","t12-tit-3":"Partita!","t12-14-1":"14. — Le rapiditate del traino, currente sur le **railes** (64) esseva accelerate; le **trottoirs** (65) spareva; nos preterpassava le **latrinas** (66) , e anque un serie de vagones garate sur le altere via (63) : **vagones-lectos** (67) , un **vagon-restaurante** (68) , un **vagon postal** (69) .","t12-15-1":"15. — Postea, le **station del mercantias** (71) passava ante nostre oculos. Sub le hangares, empleatos cargava le **mercantias** (72) expedite per traino lente. **Homines de esquadra** (76) presso le **reservoir de aqua** (73) manovrava **vagones pro bestias** (75) e **vagones a platteforma** (79) pro formar un **traino de mercantias** (80) .","t12-16-1":"16. — Nos transversava le ultime **bifurcation** (78) , presso le qual stava le agulliero; nos preteriva le **disco de signal** (86) e le station spareva in le lontano.","t12-17-1":"17. — Tosto nos transversava un **ponte de ferro** (74) que transpassa le **fluvio** (81) . Post transversar iste ponte, nos sequeva le riviera, sur le qual potente **remorcatores** (82) tirava pesante **chalanas** (83) . Nos in plus videva un **nave de viageros** (84) , quando illo abordava un **pontone** (85) .","t12-18-1":"18. — Post preterpassar rapidissimemente plure stationes, nos transversava alcun **tunnels** (87) e lassava detra nos **parve casas** innumerabile (88) de **guardas de barriera**. Cunate per le succussas del traino, io profundemente addormiva.","t12-tit-4":"Station de Deutsch-Avricourt.","t12-19-1":"19. — Io esseva subitemente evelliate per le voce de un empleato critante: « Deutsch-Avricourt! (*) . Tote le mundo descende! » Habeva loco le inspection del dogana e tote le tediose formalitates del frontiera. Io debeva conformar mi horologio de tasca al **grande horologio** (89) del station, que esseva troppo avantiate per cinquanta-cinque minutas; a pena evelliate, io distingueva difficilemente le **grande monstrator** (90) del **parve** (91) ; le **quadrante** (92) mesme esseva toto confuse a causa del nebuletta matinal.","t12-20-1":"20. — Durante que le doganeros faceva lor inspection, io oscitante decifrava le **affiches** (93) qui decora le muros del station. Io dejunava pro passar le tempore, consultava le carta del **rete** (94) german pro vider quante distantia ancora me separa de Strasbourg, e io reentrava mi vagon, refortificate per le sperantia de tosto attinger le scopo de mi viage.","t13-apar-1":"TABELLA N o 13 Le hotel. — Le restaurante. — Le caffe.","t13-01-1":"1. — Habente arrivate heri vespere in Royan, io me alogiava al « *Hotel del Oceano* » que me habeva essite recommendate per un amico.","t13-01-2":"On me forniva un belle **camera** (2) , sur le secunde **etage** (1) ubi io dormiva multo ben (*) .","t13-02-1":"2. — Iste matino, exiente de mi camera, in le qual le **servitrice** (3) habeva apportate le parve dejuner, io entrava le **fumatorio** (5) que es anque usate como **sala de lectura** (4) pro leger le **jornales** (6) , fumante un **cigarretta** (8) . Post leger, io descendeva per le **ascensor** (9) e iva promenar tra le citate.","t13-03-1":"3. — Proque io habeva oblidate questionar le **empleato** (12) del hotel super le hora quando on da le repastos sur le **tabula commun** (11) , io retornava tosto e profitava lo pro ir banar me in le **sala de banio** (10) del hotel. Postea io iva de novo al **cassa** (15) pro telephonar a un de mi amicos. Ma le **telephono** (13) esseva occupate; vidente mi embarasso le **cassera** (14) , qui registrava un **factura** (17) sur le **registro del viageros** (16) rogava le **portero** (18) inviar le **groom** (19) facer mi commission **in bicycletta** (20) .","t13-04-1":"4. — Io la gratiava e exiva pro dar un gratification al **portator** (24) (le portator de fardellos) qui apportava del station sur su **carretta a mano** (25) mi **cassa de cappellos** (26) , **mi valise** (27) e **mi sacco de viage** (28) . Le **portator de litteras** (21) justo arrivate, me dava un **littera** (22) .","t13-05-1":"5. — Io restava ancora un pauco de tempore sur le limine del porta, presso le **cassa a litteras** (23) , reguardante le circulation sur le strata. Le **conductor** (30) del **omnibus** (29) cargava sur su vehiculo le **cofro** (31) de un **viagero** (32) que le **patron del hotel** (33) adeuava. Un juvene **telegraphista** (35) sin hasta apportava un **telegramma** (34) pro un cliente del hotel; un **turista** (36) con su **apparato photographic** (38) in bandoliera, consultava su **guida** (37) .","t13-tit-1":"Hora del dejuner.","t13-06-1":"6. — Ante le grillia, un insouciante **commissionario** (39) dormettava inter su **croco de portator** (40) e su **cassa de cera** (41) , durante que un juvene **lavandera** (42) qui portava un **corbe** (43) de linage, rideva del solemne mina del **maestro de sala** (44) qui stava presso le porta.","t13-07-1":"7. — Vidente le **cocinero** (45) , qui exiva de su **cocina** (47) situate al **sub-solo** (48) pro inviar un **lavaplattos** (46) facer un commission, io memorava que le hora del dejuner es proxime e io entrava le restaurante, transversante le corte in le qual un **automobilista** (50) garava su **automobile** (49) , durante que un **machinista** (52) reparava, secundo le indicationes del **cyclista** (53) , un **tricyclo a petroleo** (51) que justo habeva un accidente.","t13-08-1":"8. — Io questionava un juvene **groom** (54) qui portava **vitros de bira** (55) , si le tabula commun es sub le veranda, e pro su responsa affirmative, io occupava un loco a un del tabulas e faceva dar me un excellente repasto.","t13-tit-2":"Excellente dejuner.","t13-09-1":"9. — Le garson me apportava le menu (*) del dejuner e le lista de vinos. Io eligeva e mandava como **hors-d’oeuvre gambettas** con **butyro**, e, como entrata, **tripas al modo de Caen**. Io non mangiava **pisce**, ma demandava un portion de **gamba** de agno, e, como **platto de legumines, spinacia** con crema. Postea, proque nulle del **intermissos** me placeva, io faceva apportar diverse dessertos, **caseo**, **fructos** e **biscuits**. Io in plus adjungeva un excellente **Saint-Émilion-vino**, e multo contente de mi repasto io lassava le tabula post haber donate al **garson** (57) un belle **gratification** (59) .","t13-10-1":"10. — Vidente me preste a partir, le **gerente** (60) me proponeva ir al balcon pro admirar le splendide panorama del **Oceano** (62) . Lontano on comenciava a vider **parve barcas** de pisca (63) , **naves a vela** (64) e un enorme **paquebot** (65) del qual le nigre silhouette se distacca sur le blanc **nubes** (67) del **horizonte** (66) . Un legier brisa faceva undular le **standardo** (70) fixate super le **insignia** (69) del **hall** (68) .","t13-tit-3":"Divertimentos.","t13-11-1":"11. — Le spectaculo esseva tanto interessante, que io decideva ascender deman sur le terrassa del caffe portante un **binoculo** (71) o un **telescopio** (72) .","t13-12-1":"12. — Lassante le balcon, io iva al caffe del hotel pro glutir un **bibita** (73) , jocante un **partita de billiard** (75) . Sin haltar io transversava le salon del caffe in le qual multe consumitores jocava al **chacos** (78) , al **damas** (79) , al **dominos** (80) , al **trictrac** (81) o al **cartas** (82) , e io ascendeva directemente al **sala de billiard** (74) .","t13-13-1":"13. — Quando le partita esseva finite, io descendeva al terreno e demandava al garson un **inveloppe** (84) , **papiro** (83) , un **timbro postal** (85) , un **penna** (87) e **incausto** (86) pro scriber un littera.","t13-13-2":"Postea io appellava un **cochero** (92) del qual le **vehiculo** (88) habeva haltate ante le caffe. Io le questionava super le precio secundo le horas o un cursa, e, quando nos convenieva super le precio, ille me aperiva le **porta del vehiculo** (89) e me installava. Ille reascendeva sur le **sede** (91) , rapidemente faceva partir le cavallos con un **parve flagello** (93) e nos partiva pro un incantatori promenada.","t14-apar-1":"TABELLA N o 14","t14-tit-1":"Le strata. — Le commerciantes.","t14-01-1":"1. — Mi amico Johannes, qui habita le campania, veniva passar tres dies in mi familia. **Usque** tunc ille non habeva habite le occasion de vider un grande citate; pro isto nos usa tote nostre dies promenante, e io le explica lo que ille non cognosce.","t14-02-1":"2. — Primo nos iva visitar le **observatorio** (1) , que multo le interessava. Retornante tra le **strata** (3) ubi es le **banio turc** (2) , nos incontrava un **funeral** (4) . Ante le **convoyo funebre** marchava le **clero**, precedente le **carro funebre**, in le qual esseva ponite le **feretro**. Multe amicos accompaniava le familia **in lucto**.","t14-02-2":"Post le passage del cortege, nos transversava le strata ante le grande **brasseria** (5) in le qual multe **consumitores** bibeva **bira** sur le terrassa, protegite per le **marquise** vitrate (6) .","t14-03-1":"3. — Johannes esseva stupefacte per le **scuto** ponite inter le magazin del **liquorista** (7) e illo del **venditor de musica** (10) . Ille me questionava super su signification; io respondeva que illo indica le **consulato** (8) anglese, e le faceva remarcar le **consule** (9) qui es sur le balcon.","t14-tit-2":"Exploration del butiticas.","t14-04-1":"4. — Naturalmente nos haltava ante le exposition del **instrumentos de musica**, **harmoniums**, **orgenos** e **pianos**; nos reguardava le coperturas illustrate del **partituras** e del **musica** pro piano, e admirava le **lyra** de ligno dorate, que servi como insignia.","t14-05-1":"5. — Le nubes de pulvere facite per le **scopatores** (11) e le **vehiculo de scopar** (12) nos obligava passar rapidemente ante le belle **mobiliarios** del **venditor de mobiles** (13) e ante le exposition de **stufas** e **lampas** del **lattonero** (14) .","t14-06-1":"6. — Del resto, a iste loco, nos esseva obligate lassar le trottoir, proque illo esseva obstruite per pacchettos, que on prendeva de un **vehiculo de transporto** (16) pro poner los in un **magazin** (15) que on justo habeva locate.","t14-06-2":"Isto nos impediva vider le belle vehiculos del **constructor de vehiculos** (17) , ma non nos impediva haltar pro reguardar le **impacchettator** (19) faciente un cassa pro su vicino, le **venditor de cyclos e automobiles** (18) . Postea, proque ja il esseva un pauco tarde, nos retornava a casa.","t14-tit-3":"Promenada tra le citate.","t14-07-1":"7. — Le die sequente, mi matre proponeva a Johannes que on le photographa, postea illa me incargava de accompaniar le al **photographo** (20) . Post le dejuner, nos iva in le **atelier** del artista, ubi nos esseva obligate attender satis longemente. Pro occupar nos, nos reguardava le **portraits** (22) pendente al muro.","t14-07-2":"Quando esseva nostre vice, le labor non durava longemente, e tosto que mi amico finiva posar ante le **apparato photographic** (21) , nos descendeva.","t14-08-1":"8. — Sur le prime etage, nos videva tra le porta del **coiffator** (23) , que es aperte, su empleato qui taliava le capillos de un cliente.","t14-08-2":"Habente arrivate in le strata, nos passava ante le **tabacheria** (24) . Johannes esseva tanto amusate per le rubie **lanterna** (25) e le **grosse pipa** que es usate como **insignia** (26) , que ille collideva con duo vetule seniores qui conversava **prendente tabaco a naso** (27) .","t14-tit-4":"Le pastisseria.","t14-09-1":"9. — Le **billetes de banca** e **monetas** de tote le paises exponite in le **vitrina** del **cambiator** (29) attraheva nostre attention durante alcun momentos, ma proque il esseva le hora de merendar, nos entrava le **pastissero** (31) sin haltar plus longe.","t14-10-1":"10. — Vidente tote le **golositates** que le magazin conteneva, **tortas, pan de spicias, biscuits** e **bonbones** de omne sorta, nos non poteva eliger facilemente. Finalmente Johannes eligeva le **tortas a crema**, e io prendeva solmente un parve **torta de ceresias**, proque le dulcerias **me da mal de dentes**, e io non desira del toto ir troppo sovente visitar le **dentista** (30) .","t14-tit-5":"Scriptura a machina.","t14-11-1":"11. — Pro monstrar a mi amico un **machina a scriber** super le qual ille habeva audite parlar, ma que ille non cognosceva, nos entrava le **gabinetto de travalio** (32) de mi **cosino** (34) . Nos le trovava dictante su litteras a su **secretario** (35) qui es un **stenographo**. A pena un littera esseva finite, un **dactylographo** (33) lo recopiava con su machina. Desirante non interrumper le occupationes de mi parente, nos restava presso ille solmente durante alcun momentos.","t14-12-1":"12. — Sub le officio de mi cosino, habita un grande **horologiero-joielero** (37) qui es in plus orfabro. Su splendide magazin contine multe **horologios, pendulas, horologios de tasca**, **catenettas** e preciose **joieles**, per exemplo **collares de perlas**, **bracialettos** de auro, **pendentes** e **anellos** ornate de **gemmas** e **diamantes**. Un del vitrinas es particularmente reservate pro le **orfabreria** e contine un importante collection de **utensiles de tabula** de argento.","t14-13-1":"13. — Tornante al angulo del strata, io remarcava que on habeva cambiate le **placa** (36) ponite presso le **numero** del casa. Io esseva dicente a alte voce mi remarca, quando le gai sonos de le musica militar esseva audite. Nos comenciava currer al incontro del regimento, sin reflecter que **illo** esseva passante ante le magazines del **cappellero** (39) e del **guantero** (40) , e que nos haberea essite tanto ben placiate pro vider su defilada restante ante le vitrina del **opticiano** (38) , plenmente providite de **pincenez, lorgnettes** e **binoculos**.","t14-tit-6":"Defilada de marcha.","t14-14-1":"14. — Ante le **regimento** (41) marchava le **tambur-major** (42) sequite per le **tamburinos** (43) , le **clarinistas** (44) e tote le **banda de musica**. Le **general** (45) qui esseva sur le placia con su adjutante, habeva haltate presso le **jecto de aqua** (49) del **fontana** (48) , pro assister al **defilada**.","t14-14-2":"**Le officieros del stato-major** (46) , le **colonello** e le **locotenente-colonello** le salutava con lor spada. **Le majores** esseva ante lor **batalliones** (47) e cata **capitano** commandava su **compania**, durante que le **locotenentes**, **sub-locotenentes** e **sub-officieros** occupava lor loco habitual presso lor homines.","t14-15-1":"15. — Multe passantes se habeva gruppate sur **le cruciata de vias** (50) ; le commerciantes, le **parapluviero** (51) , le **tinctor** (53) , le **armero** (54) exiva pro vider le **soldatos**. Tote le vehiculos, **fiacres** (52) , **vehiculos de patronos** (57) e anque le **tonna a aquar** (56) , se garava al longo del trottoir.","t14-tit-7":"Scenas in le strata.","t14-15-2":"Un **viagero de commercio** (55) portante in le mano su **cassas de specimenes**, transversava rapidemente le strata, e le personas sedente sur le **imperial** (59) del **omnibus** (58) se tornava pro gauder le spectaculo. Un povre **cantator ambulante** (60) con su **orgeno de Barbaria** (61) debeva interrumper su **canzon**, proque le ruito del tamburinos coperiva su voce.","t14-16-1":"16. — Quando le regimento arrivava ante le **magazin de stoffas** (64) le **cositrices** (63) e le **tailleros** (62) lassava lor **machinas a suer** e lor labor pro reguardar tra le fenestra. **Le commerciante** (65) , qui justo habeva ponite nove **costumes** (66) in su **exposition**, debeva facer poner intra le **drappos** (67) e le **telas** installate sur le trottoir, presso le **apertura del cloaca** (68) , timente que le turba los renversara, mesmo un vetule **colportator** (69) , del qual un portera mercantava calceas, esseva obligate entrar un corridor pro finir su vendita.","t14-16-2":"Nos accompaniava le regimento usque le caserna, e, multo contente de nostre jornata, nos retornava al hora del cena.","t14-tit-8":"Diverse commercios e professiones.","t14-17-1":"17. — Le die sequente, mi patre nos proponeva visitar le imprimeria del jornal local. Nos acceptava con enthusiasmo.","t14-17-2":"Le **imprimitor** es anque **librero** (70) **(= venditor de libros)**, **editor**, **venditor de papiro** e **ligator**. Ille installava sur le prime etage le **redaction** (71) del jornal, e anque le **atelier de gravure**, in le qual labora le **lithographos** (72) e le **gravatores in cupro** (73) , finalmente le **atelier de composition**, in le qual es le **obreros typographo** (74) . Le **imprimeria** (75) proprie dicte, le **pressas** e le diverse machinas es sur le terreno.","t14-tit-9":"Johannes face multissime questiones.","t14-18-1":"18. — Exiente del imprimeria, Johannes multo stupefacte haltava ante un parve cassa vitrate ponite sur un columna, contra le **merceria** (77) e questionava pro que illo servi. Mi patre le explicava, que illo es un **avertitor de incendio** (76) . Del resto toto, in le citate, esseva pro mi amico, un stupefaction, del simple **fontana de petra** (78) e le legier **tricyclo de transporto** (80) conducte per un **groom** (79) in livrea, usque le **vehiculo postal** (81) .","t14-19-1":"19. — Durante que mi patre nos lassava alcun momentos pro parlar con le **perceptor de impostos** (83) , qui habeva haltate pro conversar con un **advocato** (82) e un **notario** (84) , nos nos amusava sequente con le oculos le circulation sur le strata. Le plus diverse personas passava ante nos: un **empleato de pastissero** (85) , portante in un corbe un splendide **pastisso**, veniva detra un **venditor de vestimentos** (86) ; un **accenditor de lanternas** (87) conversava con un **gasista** (88) , un **religiosa** (89) tenente in le mano un orphana retornava a su convento.","t14-tit-10":"Durante nostre retorno a casa.","t14-20-1":"20. — Al momento quando mi patre se jungeva a nos, Johannes rideva multo, vidente le immunde facie e le estranie mal vestimento de duo **scopatores de camino** (91) toto coperite de fuligine.","t14-21-1":"21. — Io voleva comprar del **venditrice de bouquets** (92) un planta pro mi matre, ma mi patre me faceva remarcar, que illo esserea multo pesante pro portar e que il esserea preferibile acquirer **orangias**. Nos nos approchava al **venditrice** (94) e quando le **institutrice** (93) , qui eligeva pro su educando, finiva su compra, nos nos faceva servir.","t14-22-1":"22. — Retornante a casa, nos incontrava plure cognoscentes: un vetule amica de mi familia, qui appoiava le bracio sur su **dama de compania** (95) , le **ingeniero** (96) del pontes e vias, e un de mi cosinas con su **governanta de infantes** (98) .","t14-22-2":"Postea nos incontrava le **modista** (97) de mi matre e duo **monachos** (99) estranier al citate, qui veniva a nos pro questionar mi patre super le via al station.","t15-apar-1":"TABELLA N o 15","t15-tit-1":"Le mercato. — Le alimentos.","t15-01-1":"1. — Le major parte del commerciantes qui nos livra le mercantias necessari pro nostre alimentation se reuni sub le **hall** (1) del **mercato coperite** o in le stratas vicin.","t15-02-1":"2. — Le **charcutero** (2) , qui vende **jambon** (3) , **salsicia de sanguine** (4) , **salsicietta** (5) , **salsicietta de tripas** (6) e **lardo** (7) , sta presso le **venditrice de butyro e caseo** (8) , del qual le exposition es providite de **caseos hollandese** (9) con un crusta rubie, de **caseos de Camembert** (10) , de **discos de Gruyère** (11) e de fresc **blocos de butyro** (12) .","t15-03-1":"3. — Ante illa, un **venditrice de legumines** (13) propone a su clientes belle **tomates** (14) , **caules-flor** (15) , **salata** (16) , **caules pomate** (17) , **cucurbitas** (19) , **melones** (18) e mesmo **fungos** (20) . Ma un **garson de bira**, qui haltava su **vehiculo de livration** (21) cargate de **barriles de bira** (22) , exactemente ante su exposition, impedi su clientes approchar. Un jardinera le apporta un corbe de **artichocos** (23) .","t15-tit-2":"Vendita e compra.","t15-04-1":"4. — In le mercato, le animation es grande, proque arrivava le hora del **vendita al incanto** (24) . Le **dominas de casa** (26) , qui veni illac pro lor compras, halta passante ante le butica del **venditrice de tripas** (25) , pro comprar **tripas de stomacho** o un **capite de vitello**.","t15-05-1":"5. — Un grasse **cocinero** (27) mercanta un multo belle **thunno** al **venditrice de pisces** (28) qui a su arbitrio plus augmenta su precios (de vendita). Illa recipeva un grande quantitate de **anguillas, soleas, truttas** e **carpas**. Su **morue** e **mituilos** es multo fresc.","t15-tit-3":"Mercantias a bon mercato e car.","t15-06-1":"6. — Le **venditrice de aves** (29) , installate presso illa, es multo conscientiose. Quando illa vende un **gallo de India, un ansere, un anate** o un simple **pullo**, illa demanda solmente le juste precio.","t15-07-1":"7. — Al angulo del placia, sur le prime etage, depost pauc tempore, es installate un **venditrice de tela** (30) presso le qual le compratrices es sempre secur de trovar un multo belle assortimento de **coperi-tabulas, serviettas, avantales** e **toalias**. Sur le mesme etage, un **cultellero** (31) installava su atelier. Ille acutia le **cultellos** del venditrices in le hall e fabrica pro le jardineros **falcettas** del plus dur **aciero**.","t15-tit-4":"Le specieria.","t15-08-1":"8. — Sub su atelier, depost pauc tempore, es aperte un grande magazin de alimentos. Ja illo non es plus le simple e pauco importante **specieria** (32) de olim, que vendeva solmente le mercantias de uso commun, the (33) , **chocolate** (34) , **sucro in pan** (37) e **sapon** (38) . Illac on vende qualcunque mercantia, **biscuits croccante**, **conservas** (35) , **liquores** (36) , **rhum, cognac, kirsch, anisetto** e **curaçao**. Illac on trova gibier: **lepore** (39) , **turdos** (40) , **perdices** (41) , **qualias** (42) , **anate salvage** (43) o **phasiano** (44) , tanto facilemente como fructos exotic tal como **bananas** (46) e **ananas**.","t15-09-1":"9. — Un **empleato** (45) de specieria multo complacente, es preste pro dar lo que on desira: **confitura** (47) de ribes o de citoniero, **grassia** (48) , **cucumbretes** (49) o **sardinas** (50) salate.","t15-09-2":"Isto es multo commode pro le **clientes** (51) , qui trova, presso le mercantias le plus commun, le primitias le plus rar e le fructos le plus sapide: succose **piras** (52) , **prunas** (53) , **uvas** (54) , **persicas** (55) , **amandolas** (56) e **nuces** (57) .","t15-tit-5":"Le clientela.","t15-10-1":"10. — Le **ris** (58) e le **lenticulas** (59) es presso le cassa del **haringos** (60) fumate; le **patata** (61) e le **phaseolo** (63) es vicin al **pomos** (62) , **ficos** (64) , **prunas sic** (65) e **avellanas** (66) . On trova in iste magazin fresc **ovos** (67) e **olivas** (68) ; pro isto **corbes** (70) e **retes a provisiones** (73) es plenate rapidissimemente.","t15-11-1":"11. — Le **caffe** (72) de iste excellente firma acquireva, inter le **servitrices** (69) e le **cocineras**, un juste reputation, proque le vetule **speciero** (71) mesme lo torreface con le plus grande cura.","t15-tit-6":"Le spectaculos.","t15-12-1":"12. — Non totes va al mercato pro provider se. In le pittoresc circulation sur le parve strata que conduce al hall, on vide le plus diverse personas. Presso un affabile **empleato de macelleria** (75) , qui pulsa ante se un **carretta a mano** (74) , ecce duo soldatos in permission toto fer de monstrar lor uniforme brillante: le **hussardo** (76) con un blau **dolman** e un **shako a plumas**, e le **caporal zuavo**, con un pantalon bouffante e le capite coperite de un **fez**.","t15-13-1":"13. — Le **panetero** (80) , qui sta al limine del **paneteria** (78) justo impastava le pasta de su **pan** (79) e reprendeva del furno le **croissants** (81) , le **panettos** (82) e le **panes ronde** (83) qui es in le vitrina.","t15-14-1":"14. — Super le paneteria habita un habile **lingera** (84) qui emplea plure **brodatrices** (85) . Presso illa habita un **lavatrice-planatrice** (86) , qui amyla le **linage** (88) post haber lo lavate e siccate, e qui lo plana con un **ferro a planar** (87) .","t15-tit-7":"Carne, pisces e legumines.","t15-15-1":"15. — In le **macelleria** (89) , situate sur le terreno, on vende omne sorta de **carnes, carne de ove** (90) , **carne de bove** (94) o **carne de vitello** (92) como **gambas de ove, biftecs, rostitos** e **costelettas**. Le **empleato de macelleria** (93) disseca tote iste carnes e pone a parte le **ossos a medulla** (96) . Al porta del macelleria il ha un **venditrice de ostreas** (97) qui vende **ostreas** (98) . Illa los aperi si on lo desira.","t15-16-1":"16. — Tote iste commerciantes paga un patente o un taxa de loco; pro isto le **policiero** (100) sin compassion perseque le povre **colportatrices de legumines** (99) qui les concurre disportante con lor parve vehiculos **carottas, radicettas, napos, porros** o **fasces de asparagos, pisos fresc, spinacia, oxalide, crescion** e **petrosilio**.","t15-tit-8":"Attention al policiero!","t15-17-1":"17. — Le puero qui vende **allio** (101) e **cibollas**, sape multo ben, que anque ille non ha le derecto de vender su mercantias presso le mercato. Ille fugi, currente con le risco de renversar le corbe de **crabbas**, **cancros** e **gambettas** del **venditor** (102) de **langustas** e **homaros**.","t15-18-1":"18. — Totes se agita e face grande ruito; ma isto non impedi audir clarmente le voce del **vitrero** (103) ambulante, ni le crito del **carbonero** (104) qui justo lassava durante alcun momentos su carretta pro livrar un **sacco de carbon** (105) .","t16-apar-1":"TABELLA N o 16 Le grande magazin. — Le bazar. — Le joculos.","t16-01-1":"1. — Le nove anno se approcha. Le grande magazines preparava lor expositiones de **joculos** (1) e dono de nove anno.","t16-01-2":"Io demandava a mi avo, que ille me conduce al bazar pro vider iste belle exposition, e ille lo consentiva.","t16-02-1":"2. — Primo nos haltava ante belle **pannoplias**, qui contine un **fusil**, un **kepi**, un **sabla**, un **cinctura de spada** e un par de **epaulettas**, o un **casco**, un **cuirasse** (3) e un **pistola** (4) . Toto isto me interessava multo plus que le **lanternas magic** (2) .","t16-tit-1":"Belle vistas.","t16-03-1":"3. — In le mesme section il habeva un **sentinella** (5) in su **garita**; ille pareva facer sentinella ante un integre menagerie de carton. Quante multe animales esseva illac: un **papagai** (6) sur su perca, un **rhinoceronte** (7) con un corno sur le naso, un **renne** (8) , un **struthio** (9) , un **simia** (10) croccante un nuce, un **vulpe** (11) portante via un gallina, un **crocodilo** (12) gapante con enorme maxillas, un **camelo** (13) , un elegante **can lebrero** (14) , un **panthera** (15) , postea duo bestias que io non cognosceva e qui es, secundo lo que on dice, un **mustela** (16) e un **hyena** (17) . Anque illac il habeva un **leopardo** (18) e un **lupo** (21) ; multo presso il habeva gratiose **parve rattos** (19) e minusculissime **muses** (20) de cauchu. Ultimemente un **hippopotamo** (22) e un **dromedario** (23) gibbose terminava le collection. Io haberea restate illac durante plus multe horas si non habeva essite presso un splendide campamento plen de **soldatos de plumbo** (29) que attraheva mi attention.","t16-tit-2":"Soldatos e guerra.","t16-04-1":"4. — Mi avo, qui es un **invalido** (24) e qui debeva lassar le armea a causa de un **ferita** que le faceva obtener le **medalia militar**, ama multo racontar me le **campanias** in le quales ille participava. Ille esseva felice explicante le diverse movimentos del parve armea in miniatura. Un gruppo de ver soldatos visitante le bazar: un **soldato del genio** (25) , un **chassator alpin** (26) con le capite coperite de un **beretto**, un **sergente-major** (27) de infanteria e un **sergente de artilleria** (28) con un **galon** de auro sur le manica, haltava presso nos pro ascoltar le explicationes.","t16-05-1":"5. — Mi avo, toto fer, proque ille habeva un tanto brillante auditorio, improvisava un complete plano de battalia.","t16-05-2":"Le citate fortificate, con su **remparos** e **fossatos**, esseva assediate per le **armea inimic**, que, post un longe **bombardamento**, esseva preste pro le **assalto**. Ma le **assediatos** constringite per le fame, habeva tentate un **sortita** verso le **campamento** del **assediatores**. Post repeller le **attacco** per un obstinate **combatto** circa le **campo de tentas**, le assediatores **victoriose** lanceava lor **esquadrones** pro persequer le attaccatores **vincite**. Istes **se retirava** coperiente le **campo de battalia** de **mortos** e **feritos**. Le **brancarderos** portava via istes ultime in le **ambulantia** pro facer los curar per le **chirurgo**.","t16-05-3":"Malgrado le heroic resistentia de alcun **batalliones** qui habeva formate un **quadrato**, le **disfacta** esseva complete, le resto del armea **fugiva**, lassante multe **prisioneros**. Le inimico iva completar su **victoria** occupante le citate. Forsan isto essera le fin del campania e, post un **armistitio**, il essera possibile signar un **tractato de pace**.","t16-tit-3":"Donos pro le nove anno.","t16-06-1":"6. — Le juvene soldatos, qui rideva ascoltante le pittoresc narration del veterano demandava le alcun altere explicationes. Quanto a me, io circumiva le vendita pro reguardar un belle **arbalesta** (32) e un **arco** (33) con su **flecha** (31) . Illac io trovava un altere collection de bestias: duo **aves cantatori** (34) : un **rossiniol** automatic e un **silvia** cantante a plen gorga, e un serie de bestias estranie: un **vespertilion** (35) , un **boa** (36) , un **tortuca** (37) , un **phoca** (38) , un **balena** (39) e un **squalo** (40) de corio dorate.","t16-07-1":"7. — Io non haltava longemente pro contemplar los, proque io comenciava a vider lo que io sonia: un belle **theatro de marionettes** (41) con splendide **decorationes** e un raviente **cortina** rubie. Sur le **scena**, duo actores pareva jocar un **rolo** in un multo interessante **pièce**, proque le parve **spectatores** de carton installate in le logias o sedente sur le **fauteuils** e in le **parterre** detra le **chef del orchestra**, applaudeva vivacemente.","t16-07-2":"Regrettabilemente, iste theatro costava multo car.","t16-08-1":"8. — Del resto, eliger le joculos esseva difficile, proque in le vitrinas esseva amassate omne sorta de joculos: un **Arlequin** (42) , un **Pulcinella** (43) , un **Pierrot** (44) , **ululas** (45) brandiente le alas, **merlos** (46) sibilante, **caniches** latrante, un **phonographo** (47) e **joculos de patientia**. Un de iste joculos multo me amusava: illo representava un **battalia naval** (48) in le qual un **nave** esseva attaccate per **piratas** presso un pais plantate de **cocotieros**.","t16-09-1":"9. — Io poteva multo facilemente contemplar tote iste meravilias, proque solmente pauc personas esseva in le magazin, a pena alcun flaneros, un **dragon** (49) e un **incassator** (50) qui presentava un **tratta** al **cassa** principal (51) .","t16-10-1":"10. — Io questionava mi avo super le uso del libros ponite sur tabulettas detra le **cassera**; ille me respondeva que illos es **libros de contabilitate**.","t16-tit-4":"Reguardar circa un butica.","t16-11-1":"11. — Lassante le section del joculos, nos iva al sellaria pro dar un reguardo al **sellas** (53) , **estribos** (54) , **bridas** (55) , **morsos** (56) e **flagellos de equitation**. Durante que le **chef del section** (57) dava alcun informationes a mi avo, io iva reguardar le exposition del **porcellanas** e **cristallos** (58) ubi il ha belle **salatieras** e delicate **theieras** (59) .","t16-12-1":"12. — Pro ir sur le prime etage, nos passava detra le vitrina del **corsettos** (60) , presso le vendita de calceas, ubi esseva exponite multo belle **calcones** (63) . Presso, un **empleata** (61) faceva eliger per un **compratrice** (62) belle **texitos** de seta (64) .","t16-12-2":"Ascendente per le scala, io remarcava que le magazin es decorate de **lanternas** japonese (65) , **parasoles** (66) e grandissime **palmieros** (70) .","t16-13-1":"13. — Sur le prime etage, il non habeva multo a vider; solmente mobiles (*) , **cassas forte** (67) , **commodas** (68) , **vehiculos pro infantes** (69) . Ma le vista de ensemble del magazin esseva multo **amusante**.","t16-14-1":"14. — A nostre pedes, io videva le instrumentos de musica: **harpas** (71) , **guitarras** (72) , **mandolinas** (73) , **cornettos a pistones** (74) , **clarinettas** (75) , violinos con lor **arco** (76) e mesmo un **grande tambur** (77) . Un pauco plus lontano, al section del papiro, un **studente** (78) mercantava del **empleato** (79) un portaquadernos. Presso illes, io distingueva un belle **abecedario** (80) .","t16-14-2":"In le medio del magazin esseva erigite un alte **arbore de Natal** (81) toto providite de candelas, parve cosas e omne sorta de joculos: **cavallos de ligno** (82) , **pupas** (83) , etc..","t16-14-3":"Le **vendita de perfumos** (84) con su **dentifricios** e diverse **perfumos** diffundeva un multo bon odor que exhalava verso nos.","t16-tit-5":"Nos compra alco.","t16-15-1":"15. — Proque mi avo comenciava a judicar troppo longe le tempore, nos descendeva per le grande scala. Ille haltava un pauco ante un **tabella de astronomia** (85) que representa, ille me diceva, **cometas** (a) , **eclipses de luna e de sol** (b) , un rosa del ventos con le **quatro punctos cardinal** (c) **(Nord, Sud, Est e West)**, un carta del duo **hemispherios** (d) , le **planetas** (e) e le **systema solar** (f) . Io comprendeva nihil in toto isto, e io esseva multo plus interessate per le livrea galonate de un **empleato de livration** (86) qui passava, e per le belle **ventalios** (87) qui esseva presso me, presso le **portamonetas** (88) e le **portafolios** (89) .","t16-16-1":"16. — Io anque admirava sur le exposition **plumas** (90) , e **fibulas de cinctura** (91) , le belle **flores artificial** (94) gratiosemente arrangiate in corbes. Le **violettas**, **gilias**, **hyacinthos** (95) , **geranios** (96) , **lilios** (97) e **capucinas** (98) esseva multo ben copiate.","t16-tit-6":"Dono de mi avo.","t16-17-1":"17. — Io rogava mi avo comprar pro me un del **brossas a dentes** (92) qui esseva in un cassa presso **spinulas pro capillos** (93) . Ille consentiva e io iva mesme pagar mi compra al cassa, presso le qual on preparava un importante **expedition** (100) pro un **cliente** (99) .","t16-18-1":"18. — Subito un legier tumulto occurreva inter le personas haltate presso le **bronzos** artistic (101) . Un **fur** (102) habeva justo essite capturate, in flagrante delicto, per un **inspector** (103) , durante que ille tentava robar alcuno. On habeva le cura de facer venir un policiero pro **arrestar** le, e justo quando nos exiva, le delinquente esseva conducte al prision."}